Gníomhartha 24 - Na Cheithre Soisgéil agus Gníoṁartha na n-Aspol 1915 1921 (Peadar Ua Laoghaire)

CAIBIDIOL XXIV. Pól ’ghá chosaint féin i láthair Féilics, an Gobhernóir. An creideamh dá mhúineadh aige dhó.

¹ Ansan, i gcionn chúig lá, tháinig uachtarán na sagart, Ananías, anuas agur cuid de sna seanóiríbh, agur cainnteóir dár bh’ainim Tertullus, agus chuadar i láthair an ghobhernóra i gcoinnibh Phóil.

^2-3 Do glaodhadh Pól agur chrom Tertullus ar é dhaoradh: Admhuighmíd i gcómhnuíghe agus ins gach ball, Agus le buidhchas mór, a Fhéilics oirdheirc, méid na síothchána atá againn de d’bharr-sa agus liacht na neith atá d’á seóladh ar leas tréd’ mhórchiall.

⁴ Ach, ionus ná cuirfinn a thuille ríghnis ort, iarraim ort éisteacht, de d’ceannsacht, le beagán focal uainn.

⁵ Fuaramair an fear so, i n’ann-sgian, ag déanamh toismisg ameasg na n-Iúdac go léir ar fuid an domhain agus ’n-a cheann ar an aicme annrianta san, na Nasarénach.

⁶ Do mheas sé an teampall do shárú agus do rugamair air agus cheapamair breith a thabhairt air do réir án ndlighe.

⁷ Ach tháinig Lusias, an tribiún, agus neart slógh aige agus bhain sé as ár lámhaibh é.

⁸ Agus d’órduigh sé an mhuinntir a bhí ag cur ’n-a leith do theacht ad’ láthair-se, agus féadfair féin a dh’fhághail uaidh, ad bhreitheamh, eólus ar na neithibh seo go léir atá againne á chur n-a leith.

⁹ Ansan d’aontuigh na Iúdaígh mar an gcéadna agus dubhradar go raibh san amhlaidh.

¹⁰ Ansan d’fhreagair Pól, (óir do bhagair an Gobhernóir chuige labhairt): Ó ’s eól dom go bhfuilir-se ad bhreitheamh ar an náisiún so le fada ’bhliantaibh is móide sin is fonn liom sásamh a thabhairt am thaobh féin.

¹¹ Is féidir duit a dh’fhághail amach ná fuil ach dhá lá dhéag ó chuas go Ierúsalem chun adhartha dhéanamh,

¹² Agus ní bhfuaradar me ag aighneas le h-aoinne sa teampull, ’ná ag cruinniú na ndaoine, ins na sinagógaibh, Ná ar fuid na catharach;

¹³ agus ni’l ar a gcumas a thaisbeáint duit-se gur fíor na neithe atá acu ’a chur am leith.

¹⁴ Admhuíghim an méid seo dhuit, ámhthach, i dtaobh ná slíghe seo ar a dtugaid siad eiriceacht, sin mar a dheinimse seirbís do’n Athair agus do m’Dhia, óir creidim gach uile níd atá sgríobhtha sa dlighe agus in sna fáidhibh,

¹⁵ Go bhfuil mo mhainighin agam as Dia, fé mar atá acu so féin, go dtiocfaidh aiseirighe na ndeagh-daoine agus na ndroch-dhaoine.

¹⁶ Táim féin ag déanamh mo dhíchill air seo, mo choínsias a chimeád glan i gcómhnuighe chun Dé agus chun daoine.

¹⁷ Do thánag tar éis mórán blian chun déarca dhéanamh ar mo dhaoine féin agus chun ofrá-lach a dhéanamh agus chun móid a chómhlíonadh.

¹⁸ Sa n-obair sin iseadh do fuaradar me am ghlanadh sa teampull, agus ní le sluagh ná le collóid,

¹⁹ Ach rainnt Iúdach ó Ásia, — agus bhí sé ceart iad san a thabhairt anso ad láthair agus leogaint dóibh neithe chur am leith má bhí aon rud am choinnibh acu.

²⁰ Nú abraidís seo féin é, má fuaradar aon chionntacht ionam nuair a bhíos am sheasamh i láthair na cómhairle,

²¹ Ach an t-aon fhocal amháin úd a labhras amach agus me am sheasamh eatartha: Is i dtaobh aiseirighe na marbh atá breith agaibhse ’á thabhairt ormsa indiu.

²² Ansan do chuir Féilics ar cáirde iad, óir do thuig sé go cnuinn i dtaobh na slighe sin agus dubhairt sé: Nuair a thiocfaidh Lusias, an tribiún, anuas éistfead libh.

²³ Agus d’órduigh sé do’n taoiseach céad eisean do chimeád agus suaimhneas a thabhairt dó agus gan aoinne d’á muinntir a chosg ar fhrithálamh a déanamh air.

²⁴ Ansan, tar éis suim laethanta, tháinig Féilics agus a bhean, Drúsilla, — Iúdach abh eadh í, — agus ghlaoidh sé chuige Pól agus d’éist sé le tuairisg uaidh ar an gcreideamh atá i n-Íosa Críost.

²⁵ Agus bhí sé ag léiriú dhó ar cheart agus ar gheanmnaidheacht, agus ar an mbhreitheamhantas atá le teacht, agus tháinig critheagla ar Fhéilics agus dubhairt sé: Imthigh anois, ach nuair a bheid caoi agam cuirfead fios ort.

²⁶ Sa n-am gcéadna bhí sé ag brath air gho dtabharfadh Pól rainnt airgid dó, agus uime sin chuir sé fios go minic air agus dhein sé cainnt leis.

²⁷ Ach d’imthig dhá bhlain, agus tháinig Portius Féstus i n-inead Fhéilics. Agus mar shásamh ar na Iúdaígh d’fhág Féilics Pól sa phríosún.