Gníomhartha 18 - Na Cheithre Soisgéil agus Gníoṁartha na n-Aspol 1915 1921 (Peadar Ua Laoghaire)

CAIBIDIOL XVIII. Eaglais Coirint dá cur ar bun ag Pól, agus é ag seanmóiniú i n-Ephesus, ⁊rl. Apollo do dhul go h-Ephesus.

¹ Tar éis an méid sin d’fág sé cathair Aténé agus tháinig sé go dtí Coirint.

² Agus fuair sé sa n-áit sin Iúdach n-ar bh’ainim dó Acuila, fear a rugadh i bPontus agus a bhí tar éis teacht go déanach ó’n Eadáil, agus Priscilla, á bhean (do dheasgaibh a bheith órduighthe ag Claudius do sna Iúdaígh go léir imtheacht ó’n Róimh), agus chuaidh sé ag triall ortha.

³ Agus toisg é bheith ar aon cheárd leó d’fhan sé ’n-a bhfochair ag obair ar an gcéird (agus ag déanamh pailiún ab eadh an a cheard).

⁴ Agus bhíodh sé sa tsinagóig ag pléidh, gach lá sabbóide, ag trácht ar ainim an Tighearna Íosa, agus bhí sé ag tabhairt na nIúdach agus na nGréagach leis.

⁵ Ansan nuair a tháinig Sílas agus Tímoteus chuige ó Mhacedonia do ghéaruigh Pól sa teagasg, gá chur ’n-a luighe ar na Iúdaígh gur b’é Íosa is Críost ann.

⁶ Ach bhí na Iúdaígh ’gha bhréagnú go masluightheach. Ansan do chroth sé a chuid éadaigh agus dubhairt sé: Bíod bhúr gcuid fola ar bhúr gceann féin. Táimse glan.

⁷ Tabharfad aghaidh ar na geintibh feasda. Ansan d’fhág sé an áit sin agus tháinig sé go tigh duine dár bh’ainim Títus lústus, duine a bhí úmhal do Dhia, agus go raibh a thigh ceangailte de’n tsinagóig.

⁸ Agus do chreid Crispus, uachtarán na sinagóige, sa Tighearna, agus a theaghlach go léir, agus do chreid mórán de sna Coirintigh a bhí ag éisteacht leis agus do baisteadh iad.

⁹ Ansan dubhairt an Tighearna le Pól, i n-aisling, san oidhche: Ná bíodh eagal ort, ach labhair agus ná h-eist,

¹⁰ óir táimse leat, agus ní leómhfaidh aoinne dochar a dhéanamh duit; mar tá mórán daoine sa chathair seo agamsa

¹¹ Agus d’fhan sé ansan bliain agus sé mhí ag teagasg bréithir Dé ’n-a measg.

¹² Ach nuair a bhí Gallió ’n-a phróchonsul i n-Acaía d’eirigh na Iúdaígh, do thoil a chéile i n-aghaidh Phóil agus thugadar os cómhair an t-suidhebhratha é, Agus dubhradar:

¹³ Tá an fear so ag cur na ndaoine suas chun Dia d’adhradh go h-aindleaghthach.

¹⁴ Ach nuair a bhí Pól ag tusnú ar a bhéal a bhogadh chun labhartha dubhairt Gallió leis na Iúdaígh: A fheara Iúdacha, dá mba éagcóir é, nú coir chionntach ana-olc, ba cheart dom cur suas libh.

¹⁵ Ach má’s cúrsaí focal é, agus ainimneacha, agus bhúr ndlighe-se, féachaidh féin chuige: ní h-áil liomsa bheith am breitheamh ar na neithibh sin.

¹⁶ Agus do chomáin sé ó’n suidhebhratha iad.

¹⁷ Agus do rugadar go léir an Shóstenés uachtarán na sinagóige agus bhíodar ag gabháil air os cómhair an tsuidhebhratha agus níor chuir Gallió aon tsuim i n-aon nídh de sna neithibh sin.

¹⁸ D’fhan Pól mórán laethanta sa n-áit. Ansan d’fhág sé slán ag na bráithribh agus chuaid sé ar luing go Síria (agus Priscilla agus Acuila i n-aonfheacht leis) tar éis a chínn a bhearradh i gCencrea, mar bhí móid aige.

¹⁹ Agus tháinig sé go dtí Ephesus agus d’fhág sé iad-san ann. Agus chuaidh sé féin isteach sa tsinagóig ag díospóireacht leis na Iúdaígh.

²⁰ Agus d’iarradar air fanmhaint níos sia ach níor thoiligh sé chuige, Ach d’fhág sé slán acu agus dubhairt sé:

²¹ Tiocfad chúghaibh airís má’s toil le Dia é. Ansan d’imthígh sé ó Ephesus

²² Agus chuaid sé síos go Caesaréa. Ansan chuaidh sé suas agus bheannuigh sé do’n eaglais, agus chuaidh sé síos go h-Antioch.

²³ Chaith sé suim aimsire ansan, agus ghluais sé tré dhúthaíbh Ghalatia agur Phrigia, i ndiaidh chéile, ag cur misnigh ar na deisgiobuil go léir.

²⁴ Tháinig, ámh, go h-Ephesus Iúdach n-ar bh’ainim dó Apollo, Alecsandríneach, fear deaghlabhartha, láidir ins na Scriptiúraibh.

²⁵ Bhí sé oilte ar slighe an Tighearna agus do labhair sé le díogras aigne agus do theagaisg sé go dúthrachtach na neithe a bhaineann le h-Íosa, agus gan ar eólus aige ach baiste Eóin.

²⁶ Do chrom an fear san ar labhairt go dána sa tsinagóig. Agur nuair a dh’airigh Priscilla agus Acuila é thugadar leó é agus mhúineadar dó níos cruinne slighe an Tighearna.

²⁷ Ansan ba mhian leis dul go h-Acaia agus do sgríbh na bráithre ag triall ar na deisgiobuil ’ghá iarraibh ortha é ghlacad. Agus nuair a tháinig sé thug sé congnamh mór do’n mhuinntir a bhí tar éis creideamhaint.

²⁸ Óir do chuir sé ’n-a luige go cuthaigh ar na Iúdaígh, go puibilídhe, gur b’é Íosa is Críost ann.