Matha 1 - Na Ceithre Soiscéil agus Gníomhartha na n-Abstal 1943 (Pádraig Mac Giolla Cheara

Caibidil I Geinealach Chríost: gabhadh agus rugadh ó óigh é.

¹ Leabhar geinealaigh Íosa Críost, mac Dháibhidh, mac Abrahaim.

² Ghein Abraham Isaac. Agus ghein Isaac Iacób. Agus ghein Iacób Iúdas agus a dhearbhráithre.

³ Agus ghein Iúdas Páres agus Sára ó Thámar. Agus ghein Páres Esron. Agus ghein Esron Aram.

⁴ Agus ghein Aram Aminadab, agus ghein Aminadab Naasson. Agus ghein Naasson Salmon.

⁵ Agus ghein Salmon Boos ó Rachab. Agus ghein Boos Obed ó Rút. Agus ghein Obed Iesse.

⁶ Agus ghein Iesse Dáibhidh, an rí. Agus ghein Dáibhidh, an rí, Salomon uaithe siúd a bhí mar mhnaoi ag Urías.

⁷ Agus ghein Salomon Roboam. Agus ghein Roboam Abias. Agus ghein Abias Asa.

⁸ Agus ghein Asa Iósaphat. Agus ghein Iósaphat Ióram. Agus ghein Ióram Osías.

⁹ Agus ghein Osías Ióatam. Agus ghein Ióatam Achas. Agus ghein Achas Esechías.

¹⁰ Agus ghein Esechías Mhanasses. Agus ghein Manasses Amon. Agus ghein Amon Iósías.

¹¹ Agus ghein Iósías Iechonías agus a bhráithre le linn na h-imirce chun na Baibileoine.

¹² Agus i ndiaidh na h-imirce chun na Baibileoine ghein Lechonías Salatiel. Agus ghein Salatiel Sorobabel.

¹³ Agus ghein Sorobabel Abiud. Agus ghein Abiud Eliacim. Agus ghein Eliacim Asor.

¹⁴ Agus ghein Asor Sadoc. Agus ghein Sadoc Achim. Agus ghein Achim Eliud.

¹⁵ Agus ghein Eliud Eleásar. Agus ghein Eleásar Mátan. Agus ghein Mátan Iacób.

¹⁶ Agus ghein Iacób Ióseph, fear-chéile Mhuire; ó n-a rugadh Íosa dá ngoirtear Críost.

¹⁷ Dá bhrigh sin, na geinealacha uilig ó Abraham go Dáibhidh is ceithre glúine déag iad: agus ó Dháibhidh go h-imirce na Baibileoine ceithre glúine déag: agus ó imirce na Baibileoine go Críost ceithre glúine déag.

¹⁸ Ba mar seo a bhí geineamhaint Chríost: Nuair a bhí Muire, a mháthair, luaidhte le h-Ióseph, sul a dtáinic siad i dteannta a chéile, fuarthas í ag iomchar cloinne ó’n Spiorad Naomh.

¹⁹ Acht mar gur dhuine cóir Ióseph, a fear, Agus nár mhaith leis a cliú a bhaint dí, ba mhian leis í a chur uaidh i ngan fhios.

²⁰ Acht nuair a bhí sé ag machtnamh ar na neithe sin, féach, d’fhoillsigh aingeal an Tighearna é féin dó i n-aisling, ag rádh: A Ióseph, a mhic Dhaibhidh, ná bíodh eagla ort Muire, do bhain-chéile, a ghlacadh chugat: óir an neach atá ar n-a gabháil inntí, is ó’n Spiorad Naomh é.

²¹ Agus béarfaidh sí mac, Agus béarfaidh tusa Íosa mar ainm air, óir slánóchaidh sé a dhaoine ó n-a bpeacaidhe.

²² Agus thárla seo uilig ionnas go gcóimhlíontaí an rud a dubhairt an Tighearna fríd an fháidh a dubhairt:

²³ Féach, béidh maighdean ag iomchar cloinne, agus béarfaidh sí mac, agus bhéarfaidh siad Emmanuel air mar ainm, rud a chialluigheas, Dia maille linn.

²⁴ Agus ar mhuscladh as a chodladh do Ióseph, rinne sé mar d’órduigh aingeal an Tighearna dó, agus ghlac sé chuige a bhain-chéile.

²⁵ Agus níor aithin sé í go dtí go rug sí a mac, a céid-ghein, agus thug sé Íosa mar ainm air.