Salm 148 - An tSaltair 1965 (Ó Cuinn)

Salm 148. Laudate Dominum.

¹ Molaigí an Tiarna ó neamh: molaigí é in ard na spéire.

² Molaigí é, a aingeala an Tiarna: moladh a shlua go huile é.

³ Molaigí é, a ghrian agus a ghealach: molaigí é, a réalta uile ʼs a sholais.

⁴ Molaigí é, a neamha uile: agus a uiscí a bhíos os cionn na neamha;

⁵ Molaidís Ainm an Tiarna: óir ní dhearna sé ach an focal a rá, go ndearnadh iad; dʼordaigh sé, agus cruthaíodh iad.

⁶ Dhaingnigh sé trí shaol na saol iad: thug sé dlí dóibh nach sárófar.

⁷ Molaigí an Tiarna ón talamh: a dhragúna, agus a dhoimhneachta uile;

⁸ A thine agus a chlocha sneachta, a shneachta agus a cheo: a ghaoth agus a dhoineann, a chomhlíonas a bhriathar;

⁹ A shléibhte agus a chnoic uile: a chranna toraidh agus a chéadrais;

¹⁰ A bheithígh agus a eallaigh uile: a chnumhóga, agus a éin faoi chleite.

¹¹ A ríthe an domhain, agus a dhaoine uile: a fhlatha agus a bhreithiúna na cruinne;

¹² A fheara óga agus a mhaighdeana óga, a fheara liatha agus a leanaí, molaigí Ainm an Tiarna: óir ní feabhas go dtí a Ainm, agus is airde a mholadh ná neamh agus talamh.

¹³ Ardóidh sé beann a phobail; beidh a naoimh go léir á mholadh: beidh sé á mholadh ag clann Iosrael, ag an bpobal a bhíos ag déanamh a sheirbhíse.