Seanfhocal 3 - An Bíobla Naomhtha 1817 (Bedell)

Caibidil III. Luaidheachd ar aitheantaibh De do choimhed.

¹ A mhic, ná dearmaid mo dhligheadh; acht coimhéadadh do chroidhe maitheanta:

² Oír do bhéaruid síad chugad, fad láetheadh, agus sáoghal fada, agus síothcháin.

³ Ná tréigeadh trócaire agus fírinne thú: ceangail fad bhrághaid íad; scríobh íad ar chlár do chroidhe:

⁴ Marsin do gheabha tú fabhar agus tuigsi mhaith a radharc Dé agus duine.

⁵ Cuir do dhóigh a Ndía re do uile chroidhe; agus ná bí táobh ré do thuigsi féin.

⁶ Ann do shlighthibh uile admhuigh eision, agus do dhéana sé do shlighthe díreach.

⁷ Na bí glic ann do shúilibh féin: bíodh eagla an TIGHEARNA ort, agus seachain an tolc.

⁸ Biáidh sin na shláinte dot imlinn, agus na smior dot chnámhuibh.

⁹ Onoruidh an TIGHEARNA le do mhaóin, agus le primidil huile bhisigh:

¹⁰ Marsin líonfuighear do scioból lé saídhbhrios, agus brisfid do chantaóirighe amach le fíon núadh.

¹¹ A mhic, na tarcuisnigh smachtughadh an TIGHEARNA; agus na bí curtha dhá cheartughadh:

¹² Oír an té ghrádhuighios an TIGHEARNA, smachtuighidh sé é; amhuil athair an mac iona mbí a dhúil.

¹³ Is beanuighe an té do gheibh eagna, agus an duine do gheibh tuigsi.

¹⁴ Oír is féarr a ceanniugheacht ná ceannuigheacht airgid, agus a sochar ná ór glan.

¹⁵ Is mórluáigh go mór í náid na clocha uaisle: agus na huile neithe is áoibhinn leachd ní coimhmeas ría íad.

¹⁶ Atáid fad láethe ann a deasláimh; agus ann a láimh chlé saidhbhrios agus onóir.

¹⁷ Is slighthe soláis a slighthe, agus is síodhchain a casáin uile.

¹⁸ Is crann beatha í don druing ghlacus greim dhí: agus is beanuighe gach aon dá bhfostoighionn í.

¹⁹ Do shuighidh an TIGHEARNA an talamh le na ghliocas; le tuigse do dhaingnidh sé na flaitheamhnuis.

²⁰ Le na éolus bristear amach na haigéin, agus filid na néulla an drúcht a núas.

²¹ A mhic, ná dealchaidís sin ré do shúilibh: connuimh gliocas iomlán agus discréid:

²² Marsin béid síad na mbeatha dot anam, agus na ngrasaibh dot mhuinéul.

²³ Ann sin siubholuidh tú ann do shlighe go daingean, agus ní bhfuighe do chos tuisleadh.

²⁴ A nuáir luidhfios tú síos, ní bhía eagla ort: fós, luidhgidh tú síos, agus biáidh do chodhladh sáimh.

²⁵ Ná bíodh eagla ort re húamhan obann, nó re dólás na nolc, a nuáir thiucfas sé.

²⁶ Oír budh é an TIGHEARNA do bharánta, agus cuimhdeochuidh sé do chos ó bheith gabhtha.

²⁷ Ná connaimh maith ón ndruing dar dúal í, a nuáir bhías sé a ccumas do laimhe ré na dhéanamh.

²⁸ Ná habair re do chomharsuin, Imthigh, agus tárr a rís, agus do bhéara mé a márach; a nuáir bhías sé agad attaice.

²⁹ Ná tionnscuin olc a naghaidh do chomharsan, ó áitreabhus sé go suáimhneach láimh riot.

³⁰ Ná ceannairg ré duine gan adhbhar, muna ndéarna sé dochar ar bith dhuit.

³¹ Ná bí tnúth agad ris an bfoiréigeantach, agus ná tógh áon dá shlighthibh.

³² Oir is adhfhúathmhaireacht don TIGHEARNA an ceannairgeach: acht atá a shecréid ag an bhfíréun.

³³ Atá mallacht an TIGHEARNA a ttigh an drochdhuine: acht beannuighidh sé áitreabh a nionnruic.

³⁴ Go dearbhtha tarcuisnighidh sé na tarcuisnigh: acht do bheir sé grása do na huiríslibh.

³⁵ Gheabhuidh an duine glic oighreacht ghlóire: acht is náire bhus árdughadh do na hamadánuibh.