Nihimiá 6 - An Bíobla Naomhtha 1817 (Bedell)

Caibidil VI. Bacadh sa nobair, ó naimhdibh; 10 ó fhaighibh bréige, 17 agus ó fhaille dhaoine na tire.

¹ Anois tárla, a núair do chúala Sanballat, agus Tobiah, agus Gessem an Tarábianách, agus an chuid oile dar naimhdibh, gur chuir misi an balla súas, agus nar fágbhadh beárna ar bith air; gidh nar chuir mé fa namsin doirsi súas air na geatadhuibh;

² Gur chuir Sanballat agus Gessem fios chugam, ghá radh, Tárra, teagbham re chéile a mbaile éigin a réiteach Ono. Acht do shaóileadarsan urchóid do dhéanamh dhamhsa.

³ Agus do chuir misi teachta chucasan, gha rádh, Atáim ag déanamh oibre móire, uimesin ní fhéaduim dul síos: cred fá sguirfeadh a nobair, an feadh dfúigfinnsi í, agus teacht síos chugaibhsi?

⁴ Gidheadh do chuireadar fios chugam ceithre huáire air an modhso; agus do fhreagrainnsi íad ar an ccor ccéadna.

⁵ ¶ Ann sin do chuir Sanballat a shearbhfhoghantuigh chugam air an modh ccéadna an cúigeadh huáir le litir oscuilte iona láimh;

⁶ Iona raibh scríobhtha, Do hinnseadh a measg na ngeinteadh, agus a deir Gasmu é, go bhfuil tusa agus na Iúduighe ar tí cogaidh do dhéanamh: an chúis fa bhfuil tú ag déanamh an bhalla, chor go mbeitheá ad rígh orra, do réir na mbriatharsa.

⁷ Agus dórduigh tú mar an gcéadna fáidhe do sheanmóir ort féin ann Ierusalem, gha rádh, Atá rígh ann Iúdah: agus anois inneostar so don rígh do réir na mbriatharso. Tárr anois ar a nadhbharsin, agus déanam comhairle re chéile.

⁸ Ann sin do chuir misi scéula chuige, gha rádh, Ní dhéarnadh éinní don tsórt sin a deir tú, acht tusa da ccuma as do chroidhe féin.

⁹ Agus do chuireadar uile eagla oruinn, gha rádh, Laigeochtar a lámha ó nobair, chor nach déantar í. Anois ar nadhbharsin ó a Dhía neartuigh mo lámha.

¹⁰ ¶ Na dhiáigh sin tháinic mé go tigh Shemaiah mhic Delaiah mhic Mehetabel, noch do híadhadh a stigh; agus a dubhairt seision, Téanum teagmhamáois dha chéile a ttigh Dé, a stigh san teampall, agus druideam daoirsi an teampuill: óirtiucfaid síad dot mharbhadh; annsa noidhche a seadh, thiucfaid síad dot mharbhadh.

¹¹ Agus a dubhairt misi, An tteithfeadh duine mar misi? agus cía hé, do bheith mar misi, do rachadh don teampall do dhídean a anma? ní racha misi a steach.

¹² Agus, cheana, do aithin mé nach é Día do chuir úadha é; acht gur fhoillsigh sé an tairghiresi am aghaidh: óir dfostóigh Tobiah agus Sanballat é.

¹³ As uimesin do lúachuigheadh é, do chur eagla orumsa, agus sin do dhéanamh, agus peacughadh, agus go bhfuighedís cúis drochthúarascbhála, le maisleochaidís mé.

¹⁴ O mó Dhía, smuáinsi ar Thobiah agus ar Shanballat do réir a noibreacha, agus ar an mbanfháidh Noadiah, agus air an ccuid oile dona fáighibh, ler mhían eagla do chur orumsa.

¹⁵ ¶ Marsin do chríochnuigheadh an balla annsa ccúigeadh lá fithchiod don mhí Elul, a ndá lá ar cháogad.

¹⁶ Agus tárla, a núair do chúaluidh ar naimhde uile sin, agus na huile gheinte do bhí ar gach táobh dhinn, a nuáir do choncadar na neithesi, do cuireadh síos go mór íad iona súilibh féin: óir do thuigeadar gurob ó ar Ndíane do rinneadh a nobairsi.

¹⁷ Tuilleamh oile do chuireadar uáisle Iúdah annsna laethibh sin mórán litreach go Tobiah, agus do thigdís litreacha Thobiah chucasan.

¹⁸ Oír do bhí mórán ann Iúdah thug mionna dhó, do bhrígh gur chlíamhuin é do Shechaniah mhac Arah; agus thug a mhac Iohanan ínghean Mhessullam mhic Berechiah.

¹⁹ Dinnseadar fós a ngníomha maithe am lathairsi, agus dinnsedís mo bhriathrasa dhó. Agus do chuir Tobiah litreacha úadha do chur eagla orumsa.