Irimia 8 - An Bíobla Naomhtha 1817 (Bedell)

Caibidil VIII. Ata an pobal, an duine críona, an sagart agus an faigh, santach, bréugach, ann Ierusalem.

¹ Ann sa namsin, a deir an TIGHEARNA, do bhéuruid síad amach as a nuaighibh, cnámha ríghthe Iúdah, agus cnámha a bprionnsadh, agus cnámha na sagart, agus cnamha na bhfáigheadh, agus cnámha áitreabhthach Ierusalem:

² Agus leathnochuid síad íad as coinne na gréine, agus na gealuidhe, agus shlóigh neimhe uile, noch dob ionmhuin léo agus dá ndeárnadar seirbhís, agus a ndiáigh ar shiúbhluigheadar, agus noch díarradar, agus noch do adhradar: ní chruinneochthar íad, ní hadhlocthar íad, biáid chum aóiligh ar ghnúis na talmhan.

³ Agus béarthar bás do roghuin tar bheatha leis an méid bhías dfuighioll na drochmhuinntiresi uile, noch bhías dfuighioll ann gach uile áit ann a ndíbéora misi íad, a deir TIGHEARNA na slógh.

⁴ ¶ Tuilleamh fós a déara tú ríu, Is marso a deir an TIGHEARNA; An ttuitfid, agus gan éirghe? an bhfillfidh sé, agus gan aithfhilleadh?

⁵ Cred fa bhfuilid an pobalso Ierusalem ag sleamhnughadh síar le míochoinghioll síorruidhe? congmhuid siad cealg go daingion, díultuighid síad filleadh.

⁶ Déist misi agus do chúala mé, acht níor labhradarsan go ceart: níor ghabh aithreachus áonduine iona olc, gha rádh, Cred do rinne mé? dfill gach áonduine da chúrsa fein, mar sgeinneas an teach chum an chatha.

⁷ Aseadh, bí fios a haimsire cinte ag an ccorr‐ghláis ann sa naiéir; agus comharthuigh an turtuír agus an chórrmhónadh agus a náinleóg am a tteachta féin: acht ní fheidir mo dhaóinesi breítheamhnus an TIGHEARNA.

⁸ Ciondus a dearthaói, Atámaóid críonna, agus atá dligheadh an TIGHEARNA aguinn? Féuch, go dearbhtha is go díomhaoin do rinne sé é; is go diomhaóin atá peann na scribhneóireadh.

⁹ Atá náire air na daoínibh críonna, atáid ar líothadh agus ar na ngabháil: féuch, do dhíultadar bríathra an TIGHEARNA; agus cred an gliocas atá ionnta?

¹⁰ Uimesin, do bhéara misi a mná dfearuibh oile, agus a bhfearuinn don druing ghéabhus a noighreacht: óir atá gach uile dhuine ón mbeag gus an mhór ar na thabhairt do shaint, on bhfáigh gus an sagart do ní gach uile dhuine go bréagach.

¹¹ Oír do leighisiodar lot inghine mo dhaóine go héatrom, gha radh, Siothcháin, síothcháin; agus gan síothchain ann.

¹² An raibh náire orra a núair do rinneadar gráineamhlacht? ní headh, ní raibh náire orra ar aonchor, ní mó dféadadar deargadh: uimesin tuitfid siad a measg na druinge thuitfíos: a naimsir a ccúarta teilgfighear síos íad, a deir an TIGHEARNA.

¹³ ¶ Go deimhin scriosfuidh mé íad, a deir an TIGHEARNA: ní bhiáidh aointríopall ar an bhfíneamhuin, nó fígidhe ar an ccrann fíge, agus críonfa an duille; agus imtheochuidh na neithe úatha thug mé dhóibh.

¹⁴ Cred fa a bhfanmaóid ar suighe? cruinnighidh sibh féin, agus déanam a steach annsna caithreachaibh daingne, agus bímid ar ttochd annsin: óir do chuir an TIGHEARNA ar Ndía ar tochd sinn, agus thug sé uisge domblois dúinn re ól, do bhrígh gur pheacuigheamar a naghaidh an TIGHEARNA.

¹⁵ Do bhí súil aguinn ré síothchain, acht ní tháinic maith ar bith; agus ré haimsir shláinte, agus féuch an buáidhreadh!

¹⁶ Do chlós tormán a eachruidhe ó Dhan, do chríothnuigh an talamh úile le fuáim sheitrighe a each láidir; óir thángadar, agus do mhilleadar an tír, agus a bhfuil innte; an chathair agus an mhéid chómhnuighios innte.

¹⁷ Oír, féuch, cuirfidh mé naithreacha nimhe, cocatrísigh, bhur measc, nach géabha ré piseoguibh, agus bainfid greim asuibh, a deir an TIGHEARNA.

¹⁸ ¶ A nuáir do shaóilios mé féin do shólásughadh a naghaidh an dóláis, atá mo chroidhe lag ionnam.

¹⁹ Féuch gúth chomhairc inghine mo dhaoine do bhrígh na muinntire áitreahhus a ttir imchéin: Nach bhfuil an TIGHEARNA ann Sion? nach bhfuil a rígh inte? Cred as ar bhrostuigheadar misi chum feirge le na níomháighibh greanta, agus le díomhaóineasuibh coimhthigheacha?

²⁰ Do chuáidh an foghmhar thoruinn, do críochnuigheadh an samhradh, agus níor cobhruigheadh sinne.

²¹ Ar son gortuighthe inghine mo dhaóine atáimsi gortuighthe; atáim dúbh; rug úathbhás greim orum.

²² An neadh nach bhuil íoc slainte a Ngílead? an neadh nach bhfuil liáigh ar bith ann? maiseadh cred fa nach aisiogthar sláinte inghine mo dhaóinesi?