Eistir 9 - An Bíobla Naomhtha 1817 (Bedell)

Caibidil IX. Na Hiúduighe ar búaladh a naimhde dhoibh, 20 do chongmhadar féusta Púrim.

¹ Anois annsa dara mí déag, (do bí sin, mí Adar), ar an treas lá déag dhi, a núair do bhi aithne an rígh agus a órdughadh a ngar ré a ccur a ccrích, annsa ló ar shaóileadar naimhde na Niúduigheadh cumhacht dfagháil ós a ccionn, (matá gar hiompóigheadh é go contrardha, go raibh buáidh ag na Iúduighibh ós cionn na muinntire noch do fhúathuigh íad;)

² Do chruinnigheadar na Iúduighe íad féin a ccionn a chéile íona ccaithreachaibh air feadh uile phroibhinnseaoh an rígh Ahasuérus, do chur a láimhe annsa druing do thairg an dochar do dhéanamh: agus níor fhéud áonduine seasamh ríu; óir do ghabh eagla gach uile phobal rompa.

³ Agus do chuidigheadar úachtaráin, agus riaghlóruigh, agus breitheámhuin, agus oifigidh an rígh, leis na Iúduighibh; do bhrigh gur luidh eagla Mhordecai orra.

⁴ Oir bá mór Mordecai a ttigh an rígh, agus do chuáidh a chlú amach ar feadh na nuile phroibhinnseadh: óir dfás an duinesi Mordecai ní sa mhó agus ní sa mhó.

⁵ Marso do bhuáileadar na Iúduighe a naimhde uile le buille an chloidhimh, agus le hár, agus le scrios, agus do rinneadar mar budh toil léo ris an luchd do fhúathuigh íad.

⁶ Agus ann Súsan an pálás do mharbhadar na Iúduighe agus do mhuigheadar cúig céud fear.

⁷ Agus Parsandata, agus Dalphon, agus Aspata,

⁸ Agus Porata, agus Adaliah, agus Aridata,

⁹ Agus Parmasta, agus Arisai, agus Aridai, agus Bhaiseata,

¹⁰ Deich mhic Háman mhic Hammedata, námhuid na Niúduigheadh, do mharbhadar íad; acht air a néadáil níor leagadar a lámh.

¹¹ Tugadh an lásin a lathair an rígh uibhir na méide do marbhadh ann Súsan an pálás.

¹² ¶ Agus a dubhairt an rígh re Hester an bhainríoghan, Do mharbh agus do scrios na Iúduighe cúig chéud fear ann Súsan an pálás, agus deithneamhar mac Háman; cred do rinneadar annsa chuid oile do proibhinnsibh an rígh? anois cred í hathchuinge? agus do bhéarthar dhuit í: nó cred é híarratus ní is mó? agus do dhéantar é.

¹³ Annsin a dubhairt Ester, Más toil leis an rígh, tugthar cead do na Iúduighibh atá ann Súsan sin do dhéanamh a márach mar an ccéadna do réir órduighthe an láesi, agus crochtar deithneamhar mac Háman annsa chroich.

¹⁴ Agus daithin an rígh a dhéanamh marsin: agus tugadh a nfógra ann Súsan; agus do chrochadar deich mic Háman.

¹⁵ Oír do chruinnigheadar na Iúduighe do bhí ann Súsan íad féin a ccionn a chéile ar an cceathramhadh lá déag don mhí Adar mar an gcéadna, agus do mharbhadar trí chéad fear ann Súsan; acht níor leagadar a lamh air a néadáil.

¹⁶ Acht na Iúduighe uile do bhí a bproibhinnsibh an rígh do chruinnigheadar íad féin a ccionn a chéile, agus do sheasadar ar son a nanma, agus fúaradar ciúnas ó na naimhdibh, agus do mharbhadar dá neasccáirdibh seachtmhoghad agus cúig mhíle, acht níor leagadar á lámha air an ccreich,

¹⁷ Ar an treas lá déag do mhí Adar, agus ar an cceathrámhadh lá déag don mhí chéadna do shocruigheadar, agus do rinneadar lá féusta agus soláis de.

¹⁸ Acht na Iúduighe do bhí ann Susan do chruinnigheadar a bhfochair a chéile ar an treas lá déag don mhí sin, agus ar an cceathramhadh lá déug dhi; agus air an ccúigeadh lá déug don mhí chéadna do shúaimhnigheadar, agus do rinneadar dhe lá féusta agus sóláis.

¹⁹ Uime sin do rinneadar Iúduighe na mbailteadh mbeag do chomhnuidh a mbaíltibh gan bhalladha, an ceathramhadh lá déag do mhí Adar na lá lúathgháire agus féusta, agus na lá mhaith, agus do chur oirchiseacht chum a chéile.

²⁰ ¶ Agus do scríobh Mordecai na neíthesi, agus do chuir se litreacha chum na Niúduigheadh óile do bhí a nuile phroibhinnsibh an rígh Ahasuerus, a bhfogus agus a ccéin,

²¹ Dá bhúanughadh so na measc, go ccongmhuidís an ceathramhadh lá déug don mhí Adar, agus an cúigeadh lá dhi, gacha blíadhna,

²² Mar an láethe ar shuaimhnigheadar na Iúduighe ó na naimhdibh, agus an mhí do hiompóigheadh chuca ó dhólás go sólás, agus ó dhóbrón go la mhaith: go ndéindís dhíobh láethe feasta agus gáirdeachuis, agus oirchiseachd do chur chum a chéile, agus tiodhluicthe chum na mbocht.

²³ Agus do ghabhadar na Iúduighe orra féin a dhéanamh mar do thosuigheadar, agus mar do scríobh Mordecai chuca;

²⁴ Do bhrígh gur thríall Háman mhac Hammedata, an Tagagiteach, námhuid na Niuduigheadh uile, a naghuidh na Níuduigheadh chum a scriosta, agus gur theilg Pur, (eadhon crannchar), dá ndíothughadh, agus dá scrios;

²⁵ Acht a núair tháinic Ester a lathair an rígh, daithin se le litreachaibh an droichthionnsgnamh, do thríall sé a naghaidh na Niúduigheadh, dfilleadh ar a cheann féin, agus é féin agus a mhic do chrochadh san ccroich.

²⁶ Ar a nadhbharsin do ghoireadar Púrim do na láethibhsin, ón nainm Pur. Uimesin ar son bhríathar na litreach, agus ar son gach neithe dá bhfacadar a ttáobh a nadhbhairsi, agus noch déirigh dhóibh.

²⁷ Dórduigheadar na Iúduighe, agus do ghabhadar orra féin, agus air a sliocht, agus ar gach uile dhuine dá cceingeoladh ríu, iondus nach bhfailleochthai é, go ccoimhéadfaidís an dá lá so do réir a scríbhinne, agus do réir a nuáire cinnte gacha blíadhna;

²⁸ Agus go ccuímhneocthaoi na láethesi agus go ccimhéadfuidhe íad ar feadh gach éainghemealuigh, gach éaintreibhe, gach phroibhinnse, agus gach éanchaithreacha; agus nach bhfailleochthaoi na láetheso Púrim ó bheith a measc na Niúduigheadh, nó a ccuimhne do dhul a mbáthadh ó na síol.

²⁹ Ann sín do scriobh Ester an bhainríoghan, inghean Abihail, agus Mordecai an Iúduigh, maille ris a nuile úghdarrás, chum an dara litresi Phúrim do dhaingniughadh.

³⁰ Agus do chuir sé na litreacha chum na Níuduigheadh uile, chum na ccéud agus na seacht bproibhinnseadh fithchiod do rioghachta Ahasuerus, maille re bríathruibh síothchána agus fírinne,

³¹ Do dhaingniughadh na laétheadhso an Phúrim iona naimsearuibh cinnte, do réir mar do aithin Mordecai an Iúduigh agus Ester an bhainrioghan díobh, agus mar do órduigheadar air a son féin agus air son a síl, adhbhar a ttroisge agus a ngearáin.

³² Agus do dhaingnidh órdughadh Ester na cúisesi an Phúrim; agus do scríobhadh annsa leabhar é.