Eistir 2 - An Bíobla Naomhtha 1817 (Bedell)

Caibidil II. Ester, eisiomlar na deagh‐mhná uirisle, tháinic go honóir.

¹ Andiaigh na naitheannsa, a nuáir do laghduigh fearg rígh Ahasuerus, do chuimhnigh sé ar Bhasti, agus cred do rinne sí, agus cred do hórduigheadh na haghaidh.

² Annsin a dúbhradar serbísigh an rígh do níodh miniostralacht dó, Iarthar maighdeana scíamhacha óga don rígh:

³ Agus órduigheadh an rígh oifigidh a bproibhinnsibh a rioghacht uile, chor go ccruinnighedís a ccionn a chéile na huile mhaighdeana scíamhacha óga go Súsan an pálás, go tigh na mban, fá chumhdach Hege seomradóir an rígh, coimhéuduigh na mban; agus tugthar fá deara neithe chum a nglanta do thabhairt dóibh:

⁴ Agus bíodh an mhaighdean thaitneamhas ris an rígh na bainrioghain a náit Bhasti. Agus do thaitin an ní sin ris an rígh; agus do rinne sé mar sin.

⁵ ¶ Anois do bhí annsa phálás Súsan Iúduigh áirigh, dar bhainm Mordecai, mhac Iair, mhic Simei, mhic Cis, Beniamíteach;

⁶ Noch rugadh ar siubhal as Ierusalem annsa daóirsine noch rugadh air siubhal a néinfheacht re Ieconiah rígh Iúdah, noch rug Nebuchadnessar rígh na Babiloine leis.

⁷ Agus thug leis súas Hadassah, (noch dar bhainm, Ester,) inghean dearbhrathar athar dhó: óir ní raibh athair nó mathair aice, agus do bhí an mhaighdion breaghdha sgíamhach; noch do ghabh Mordecai, (a nuáir déug a hathair agus a mathair), chuige mar inghin dó féin.

⁸ ¶ Marsin tárla, an tan do chlos aithne agus órdughadh an rígh, agus a nuáir do cruinnigheadh mórán maighdean go Súsan an pálás, fá chumhdach Hegai, gur tugadh Ester ann mar an ccéadna go tigh an rígh, fá chumhdach Hegai, coimhéaduigh na mban.

⁹ Agus do thaitin an cailín ris, agus fuáir sí cinéul úadh; agus thug sé dhi go lúath na neithe dfóir chum a hainichthe, maille ris gach ní dár bhéan ría, agus móirsheisior cailinigh, dob iomchubhuidh dhi dfagháil, as tigh an rígh: agus do chuir sé í féin agus a cailínigh annsa náit do bfeárr do thigh na mban.

¹⁰ Níor fhoillsigh Ester a daoine nó a cineadh: óir daithin Mordecai dhi gan a ninnsin.

¹¹ Agus do bhí Mordecai gach laói ag siúbhal as coinne chúirte thighe na mban, dféuchuin ciondus do bhíadh Ester, agus an chríoch déireochadh dhi.

¹² ¶ Agus a núair tháinic úair gach éanmhaighdine, do dhul a ccionn an rígh Ahasuerus, tar éis í bheith blíadhuin, do réir ghnátha na mban, (óir is mar sin do coimhlíontaoi láethe a nainicthe, mar atá, sé mhí le hola mhirra, agus sé mhí le neithibh deaghbholuigh, agus le neithibh oile do ghlanadh na mban;)

¹³ Marso a nuáirsin do thigeadh gach éanmhighdion chum an rígh; gidh bé ar bith ní díarradh sí do bherthi dhi é do dhul lé amach as tigh na mban go tigh an rígh.

¹⁴ Trath nóna, dimthigheadh sí ann, agus ar na mhárach dfilleadh sí go dara tigh na mban, fa chumhdach Shaasgas, séomradóir an rígh, noch do choimhéud na leannáin: ni thigeadh sí a steach ní sa mhó chum an rígh, acht muna bheith dúil ag an rígh innte, agus go ccuireadh fíos uirre as a hainm.

¹⁵ ¶ Anois a nuáir do thainig seal Ester, inghean Abihail dearbhrathair athar Mhordecai, (noch do ghabh lé mar inghin,) do dhul a steach chum an rígh, ni íarradh sí éinni acht an ní do órduigheadh, Hegai séomradóir an rígh, coimheaduigh na mban. Agus fuáir Ester gean a radhare gach uile dhuine dá bhféuchadh uirre.

¹⁶ Mar sin rugadh Ester gus an rígh Ahasuerus don tigh riogha annsa deachmhadh mí, (noch isi sin mí Tebet), annsa seachdmhadh blíadhain dá ríghe.

¹⁷ Agus do ghrádhuigh an rígh Ester ós cionn na mban uile, agus fuáir sí gean agus grása iona radharc tar na maighdeanuibh uile; iondus gur chuir sé an choróin ríogha ar a ceann, agus go ndéarna sé bainríoghan di a náit Bhasti.

¹⁸ Annsin do rinne an rígh féusta mór dá phrionnsadhuibh agus dá sherbhíseachaibh uile, eadhon féusta Ester; agus do thug sé saóirse do na proibhinnsibh, agus thug sé tiodhlaicthe dhóibh, do réir chumuis an rígh.

¹⁹ Agus a nuáir do chruinnigheadar na maighdiona a bhfochair a chéile an dara huáir, do bhí Mordecai na shuidhe a ngeata an rígh.

²⁰ Nior fhoillsigh Ester fós a cineadh nó a daóine; mar do chuir Mordecai dúalach uirre: óir do rinne Ester aithne Mhordecai, amhuil agus do rinne a nuáir do bhí dá tabhairt súas aige.

²¹ ¶ Annsna láethibhsin, (an feadh do bhí Mordecai na shuidhe a ngeata an rígh), do bhí fearg ar dhís do sheomradóirighibh an rígh, Bigtan agus Teres, do luchd coimhéad an doruis, agus do thríalladar lámh do leagadh air an rígh Ahasuerus.

²² Agus fuair Mordecai fios na cúise, noch dinnis sé do Ester an bhainríoghain; agus dfoillsigh an bhainríoghan sin don rígh a nainm Mhordecai.

²³ Agus a nuáir do leanadh an chúis, do fríth a dheimhin; uimesin do crochadh íadsan araon ar crann: agus do scríobhadh sin a leabhar croiniceadh a lathair an rígh.