2 Samúéil 4 - An Bíobla Naomhtha 1817 (Bedell)

Caibidil IV. Do dhíoghail Daibhi ar Baanah agus Rechab marbhadh Isboset.

¹ Agus a nuáir do chúalaidh mac Shauil gur marbhadh Abner ann Hébron, dfasadar a lámha lag, agus do bhí Israel uile buáidheartha.

² ¶ Agus do bhí ag mac Shauil dias fear captínigh ar chuideachduibh: budh é ainm duine dhíobh Baanah, agus ainm a nfir oile Réchab, mic Rimmon Beerotíteach, do chloinn Bheniamin: óir do háirmheadh Beerot fós do Bheniamin:

³ Agus do theitheadar na Beerotitigh go Gittaim, agus do chomhnuigheadar ann sin gus a niugh.

⁴ Agus do bhí mac ag Ionatan, mhac Sauil, do bhí bacach ann a chosuibh. Agus do bhí a ccionn a chúig mblíadhan a nuáir tháinic sgéula ó Shaul agus ó Ionatan as Iesreel, agus do thóg a bhanaltra lé é, agus do teith si leis: agus tárla, mar do bhí sí ag déanamh deithnios re teitheamh, gur thuit sé, agus go ndéarnadh bacach é. Agus sé dob ainm dhó Mephibóset.

⁵ Agus do chúadar clann Rimmon, an Beerotiteach, Rechab agus Baanah, agus tangadar timchioll theasa an laói go tigh Isboset, noch do luidh ar a leabuidh san meadhon laói.

⁶ Agus tangadar annsin go lár an tíghe, mar do thiucfaidís ar cheann cruíthneachda; agus do bhuáileadar é fáoi an ccúigeadh easna: agus do chuáidh Rechab agus Baanah a dhearbhrathair as.

⁷ Oír á nuáir thangadar don tigh, do bhí seision na luidhe ar a leabuidh ann a sheomra codalta, agus do bhuáileadarsan é, agus do mharbhadar é, agus do dhíthcheannadar é, agus rugadar a cheann léo, agus dimthigheadar rompa thríd an réiteach ar feadh na hoidhche.

⁸ Agus thugadar ceann Isboset chum Dáibhi go Hébron, agus a dubhradar ris an righ, Féuch ceann Isboset mhic Sauil do námhuid, do shir do bhás; agus do rinne an TIGHEARNA dioghaltus mo thighearna an rígh a niugh ar Shaul, agus ar a shliochd.

⁹ ¶ Agus do fhreagair Dáibhi rechab agus Baanah a dhearbhrathair, mic Rimmon an Beerotiteach, agus a dubhairt sé ríu, Mar mhairios an TIGHEARNA, noch dfuascuil manum as gach uile ghábhadh,

¹⁰ A núair dinnis duine dhamh, dhá rádh, Feuch, atá Saul marbh, dá mheas go ttug sé scéula maithe chugamsa, do rug misi air, agus do mharbh mé é ann Siclag, an té do shaóil go ttiubhruinn lúach a sgéuluigheachda dhó:

¹¹ Ga mhéid ós a chionn sin, a nuáir do mharbhadar droch dhaoine duine fíreunta ann a thigh féin ar a leabuidh? nach íarrfa misi air a nadhbharsin anois a fhuilsion as bhur lámhuibhsi, agus sibhsi thógbháil do dhruim na talmhan?

¹² Agus dfúagair Dáibhi dá óganachuibh, agus do mharbhadar íad, agus do ghearradar a lámha agus a ccosa dhíobh, agus do chrochadar súas íad ós cionn an locháin ann Hébron. Achd do thógbhadar ceann Isboset, agus do adhlaiceadar é a ttúama Abner ann Hébron.