2 Samúéil 2 - An Bíobla Naomhtha 1817 (Bedell)

Caibidil II. Do ungadh Daibhí na rígh ós cionn Iúdah. 8 Agus dearnadh rí do Isboset ar Israel.

¹ Agus tárla na dhiáigh so, gur fhiafruigh Dáibhi don TIGHEARNA, gha rádh, An racha mé súas go haon do chaithreachaibh Iúdah? Agus a dubhairt an TIGHEARNA ris, Eirigh súas. Agus a dubhairt Dáibhi, Cait suas a racha me? Agus a dubhairt seision, Go Hébron.

² Marsin do chuáidh Dáibhí súas annsin, agus fós a dhías ban, Ahinoam an Tiesreeliteach, agus Abigail bean Nábal an Carmelíteach.

³ Agus rug Dáibhi leis súas a mhuinntir do bhí na fhochair, gach uile dhuine guna theaghlach: agus do chomhnuigheadar a ccaithreachaibh Hébron.

⁴ Agus tangadar muínntir Iúdah, agus do ungadar Dáibhi ann sin na rígh ós cionn thighe Iúdah. Agus dinnisiodar do Dháibhi, gha rádh, Dob íad muinntir Iabesgílead do adhluic Saul.

⁵ ¶ Agus do chuir Dáibhi teachda go muinntir Iabes‐gílead, agus a dubhairt sé ríu, Go madh beannuigh sibh ón TTIGHEARNA, noch do thaisbéin an cinéulsa dá bhur ttighearna, do Shaul, agus do adhlaic é.

⁶ Agus a nois go ttaisbéanuigh an TIGHEARNA dhaóibhse cinéul agus fírinne: agus cúiteochuidh misi fós an cinéulsa ribh, do bhrígh go ndéarnabhair an níse.

⁷ Ar a nadhbharsin anois bidís bhur lámhasa ar na neartughadh, agus bíthí curata: óir fúair Saul bhur maighistir bás, agus mar an gcéadna do ungadar tigh Iúdah misi am rígh ós a gcionn.

⁸ ¶ Ach do ghlac Abner mhac Ner, caiptín slóigh Shauil, Isboset mhac Shauil, agus thug leis a nall go Mahanaim é;

⁹ Agus do rinne sé rígh ós cionn Ghílead dhe, agus ós cionn na Nasúríteach, agus ós cionn Iesreel, agus ós cionn Ephraim, agus ós cionn Israel uile.

¹⁰ Do bhí Isboset mhac Sauil ceathrachad blíadhan daóis a núair do thionsguin sé righe ós cionn Israel, agus do bhí na rígh dhá bhlíadhuin. Achd do lean tigh Iúdah Dáibhi.

¹¹ Agus ba hé uibhir na láetheadh do bhí Dáibhi na rígh ann Hébron ós cionn thíghe Iúdah seachd mblíadhna agus sé mhí.

¹² ¶ Agus do chuáidh Abner mhac Ner, agus searbhfhoghantuighidh Isbóset mhic Sauil, amach ó Mhahanaim go Gibeon.

¹³ Agus do chúaidh Ióab mhac Seruiah, agus searbhfhoghantuighidh Dháibhi amach, agus tárla dhá cheile íad ag lochan Ghibeon: agus do shuigheadar síos, drong aca a ttáobh don lochán, agus drong don taóibh oile don lochán.

¹⁴ Agus a dubhairt Abner re Ióab, Eirghidís na hógánuigh anois, agus déindís súgradh as ar ccoine. Agus a dubhairt Ióab, Eirghidís.

¹⁵ Annsin do éirigh, agus do chuaidh a nonn a nuibhir dhá fhear dhéag do Bheniamin, noch do ghabh le Isbóset mhac Sauil, agus dá fhear dhéag do shearbhfhoghantaibh Dháibhi.

¹⁶ Agus do ghlac gach áon díobh a chompanách ar cheann, agus do shaith a chloidheamh a ttáobh a chompánuigh; ionnus gur chomhthuitim dóibh: uimesin do goireadh don náitsin Helcat‐hassurim, noch atá a Ngibeon.

¹⁷ Agus do bhí cath ro dhoilghe an lá sin ann; agus do buáileadh Abner, agus muinntir Israel, as coinne sherbhiseach Dháibhi.

¹⁸ ¶ Agus do bhádar trí mic Sheruiah annsin, Ióab, agus Abisai, agus Asahel: agus do bhí Asahel comhlúath dhá chois lé eilít an mhacaire.

¹⁹ Agus do lean Asahel a ndiáigh Abner; agus ag imtheachd dhó níor chas sé ar a láimh dheis nó chlé ó thóruigheachd Abner.

²⁰ Annsin dféach Abner na dhiáigh, agus a dubhairt, An tú Asahel? Agus do fhreagair seision, Is mé.

²¹ Agus a dubhairt Abner ris, Fill do leath taóibh ar do láimh dheis no chlé, agus glac duine do na hóganachaibh, agus glac a éadail chugad. Acht níor bháill le Asahel filliodh ó na leanmhuin sion.

²² Agus a dubhairt Abner a rís re Asahel, Fill ó bheith dom leanmhuin: cred fá mbuailfinnsi thú go talumh? cionnus annsin do thaisbeanfuin maghuidh do Ióab do dhearbhrathair?

²³ Gidheadh do dhíult seision filleadh do leathtaoibh: uimesin do bhuáil Abner é do cheann gatha fáoi an ccúigeadh easna, iondus go ttáinic an gath amach air a chúl; agus do thuit sé ann sin, agus déug sé san náit chéadna: agus tárla, an mhéid tháinic go nuige a náit ar thuit Asahel síos agus a bhfúair sé bás gur fhanadar na seasamh.

²⁴ Do lean Ióab mar an gcéadna agus Abisai a ndiáigh Abner: agus do chuáidh an ghrían faói a nuáir thangadar go cnoc Ammah, noch atá a radharc Ghía ar slighe fhásaigh Ghibeon.

²⁵ ¶ Agus do chruinnigheadar clann Bheniamin íad féin a gcionn a chéile a ndiáigh Abner, agus tangadar a néanchuideachda amháin, agus do shéasadar ar mhullach cnoic.

²⁶ Annsin do ghoir Abner ar Ióab, agus a dubhairt, An mbía an cloidheamh ag marbhadh choidhche? nach bhfuil a fhios agad go mbiáidh sin na shearbhas fá dheireadh? uime sin ga fad a bhías, suil déaras tú ris na dáoinibh filleadh ó leanmhuin a ndearbhráithreach?

²⁷ Agus a dubhairt Ióab, Mar mhairios Día, muna bheith gur labhair tú, go deimhin is air maidin do rachaidh an pobal súas gach éanduine ó leanmhuín a dhearbhrathar.

²⁸ Iarsin do shéid Ióab a stoc, agus do sheasadar an pobal uile na gcomhnuigh, agus níor leanadar nios mó a ndiáigh Israel, agus níor throideadar níos mó.

²⁹ Agus do bhí Abner agus a mhuinntir ag siubhal ar feadh na hoidhche sin thríd an réiteach, agus do chúadar tar Iordan, agus dimthigheadar tré Bhitron uile, agus tangadar go Mahanaim.

³⁰ Agus dfill Ióab ó thóruigheachd Abner: agus a nuáir do chruinnigh sé an pobal uile a gciónn a chéile, do theasduigh náoi bhfir dhéug, agus Asahel do mhuinntir Dháibhi.

³¹ Ach do bhúaileadar searbhfhoghantuighidh Dháibhi do Bheniamin, agus do mhuinntir Abner, iondus gur éagadar trí cheád agus trí fithchid dhíobh.

³² ¶ Agus do thógbhadar leó Asahel, agus do adhlaiceadar é a ttúama a athar noch do bhí a Mbet‐lehem. Agus dimthigh Ióab agus a mhuinntir ar feadh na hoidhche, agus tangadar go Hébron ag éirghe laé.