2 Ríthe 2 - An Bíobla Naomhtha 1817 (Bedell)

Caibidil II. Elias ar na thógmhail súas go neamh. 9 Dfag a spiorad agus a fhalluing ag Elísa.

¹ Agus tárla, a nuáir do báill leis an TTIGHEARNA Elias do thógbháil súas go neamh lé gaoth guairdeain, gondeachaidh Elias le Helisa ó Ghilgal.

² Agus a dubhairt Elias re Helisa, Guidhim thú, fan annso; óir do chuir an TIGHEARNA misi go Bétel. Agus a dubhairt Elisa ris, Mar mhairios an TIGHEARNA, agus mar mhairios hanumsa, ní fhúigfidh mé thú. Marsin do chuádar siós go Bétel.

³ Agus thangadar mic na bhfágh do bhí a Mbétel amach go Helisa, agus a dubhradar ris, An bhfuil a fhios agadsa go mbéara an TIGHEARNA do mhaighistir ód cheann a niugh? Agus a dubhairt seision, A seadh, atá a fhios agum; bíthíse bhur ttochd.

⁴ Agus a dubhairt Elias ris, A Elísa, fan annso, íaruim mar athchuinge órt; oír do chuir an TIGHEARNA misi go Iericho. Agus a dubhairt seision, Mar mhairios an TIGHEARNA, agus mar mhairios hanumsa, ní dheileochuidh mé riot. Marsin do chuádar gó Iericho.

⁵ Agus thangadar mic na bhfágh do bhí an Iericho go Helisa, agus a dubhradar ris, An bhfuil a fhios agadsa go mbéura an TIGHEARNA do mhaighistir ód cheann a niugh? Agus do fhreagair seision, A seadh, Atá a fhios sin agum; bíthísi bhur ttochd.

⁶ Agus a dubhairt Elias ris, Guídhim thú, fan annso; óir do chuir an TIGHEARNA misi go Iordan. Agus a dubhairt seision, Mar mhairios an TIGHEARNA, agus mar mhairios hanumsa, ní fhúigfidh mé thú. Agus dimthigheadar rompa aráon.

⁷ Agus do chúadar cáogad do chloinn na bhfágh, Agus do sheasadar da bhféachain a bhfad uatha: agus do sheasadarsan a raon láimh ré Iordan.

⁸ Agus do ghlac Elias a fhalluing, agus dfill ar a chéile í, agus do bhúail na huisgeadha, agus do roinneadh íad annso agus annsúd, iondus go ndeachadar anonn aráon ar talumh tirím.

⁹ ¶ Agus tárla, a núair do chuádar anonn, go ndubhairt Elias re Helisa, Iarr cred is áill leachd misi do dhéanamh ar do shon, suil bhéarthar úait mé. Agus a dubhairt Elisa, Guidhim thú, bíodh roinn dhúbalta dot spiorad orum.

¹⁰ Agus a dubhairt seision, Is cruáidh an ní díarr tú: má chí tú misi a nuáir bhéarthar uáit mé, biáidh sé agad mar sin; achd muna bhfaicir, ní bhiáidh.

¹¹ Agus tárla, mar do bhádar ag imtheachd ar a naghuidh, agus ag caint, féuch, carbad tinntighe, agus eich thinntighe, do chuireadar aráon íad ó chéile; agus do chuáidh Elias súas le gaóth guairdeain air neamh.

¹² ¶ Agus do chonnairc Elisa sin, agus do éigh sé, O mo athair, ó mo athair, carbad Israel, agus a mharcshlúagh. Agus ní fhaca sé ní sa mhó é: agus rug sé ar a éadach féin, agus do réub an ndá chuid íad.

¹³ Do thóg sé mar an gcéadna falluing Elias do thuit úadh, agus do chuáidh ar a ais, agus do sheas ag brúach Iordan;

¹⁴ Agus do ghlac sé falluing Elias do thuit uadh, agus do bhuáil na huisgeadha, agus a dubhairt, Cáit a bhfuil TIGHEARNA Día Elias? agus a nuáir do bhuáil seisíon fós na huisgéadha, do chúadar ó chéile anonn sa nall: agus do chuáidh Elisa thairis.

¹⁵ Agus an tan do chonncadar mic na bhfágh noch do bhí ag feitheamh an Iericho é, a dubhrádar, Dfan spiorad Elias air Elisa. Agus thangadar na choinne, agus do chlaonadar íad féin go talumh dá láthair.

¹⁶ ¶ Agus a dubhradar ris, Féuch anois, atáid ag do sherbhísigh cáogad fear láidir; guidhmid thú, imthighdis, agus íarraidis do mhaighistir: ar eagla gur thóg Spíorad an TIGHEARNA súas é, agus gur théilg sé air shlíabh éigin é, no a ngleann eigin. Agus a dubhairt seision, Ní chuirfídhe uaibh íad.

¹⁷ Agus a nuáir do sháruigheadar é, nó go raibh náire air, a dubhairt sé, Déanuigh. Do chuireadar uimesin cáogad fear; agus díarradar é trí lá, achd ní bhfúaradar é.

¹⁸ Agus a nuáir thangadar a rís chuigesion, (óir dfan sé léo an Iericho,) a dubhairt sé ríu, Nach ndubhairt misi ribh, Ná himthighidh?

¹⁹ ¶ Agus a dubhradar muinntir na caithreach re Helisa, Guidhmid thú, féuch, gur taitneamhach suidhiughadh na caithreachsa, mar do chí mo thighearna: achd ís olc an tuisge, agus an talumh neamhthórrthach.

²⁰ Agus a dubhairt seision, Tabhruigh chugam crúisgín núadh, agus cuirigh salann ann. Agus thugadar sin chuige.

²¹ Agus do chuáidh seision amach mar a raibh gineamhuin na nuisgeadh, agus do theilg sé an salann ann, agus a dubhairt, Is marso a deir an TIGHEARNA, Do leighis mé na huisgeadhasa; ní bhía feasda marbhadh nó neamhthórrachd ionta.

²² Marsin do leasuigheadar na huisgeadha gus a niugh, do réir bhréithre Elisa noch a dubhairt sé.

²³ ¶ Agus do chuáidh sé súas as sin go Bétel: agus mar do bhí sé ag imtheachd súas ar a tslighe, thangadar leinibh bheaga amach as au gcathruigh, agus do rinneadar magadh air, agus a dubhradar ris, Eirigh súas, a chinn mhaóil; éirigh súas, a chinn mhaóil.

²⁴ Agus do iompóigh seision ar a ais, agus dféuch orra, agus do mhalluigh sé íad a nainm an TIGHEARNA. Agus tháinig amach dhá mhathghamhuin bhainionna as an ccoill, agus do réubadar días agus dá fithchiod leanamh dhíobh.

²⁵ Agus do chuáidh sé as sin go slíabh Carmel, agus as sin dfill sé go Samaria.