2 Ríthe 16 - An Bíobla Naomhtha 1817 (Bedell)

Caibidil XVI. De fhóir rí na Hassiria ar Ahas rí Iudah, anadhaidh righ na Siria.

¹ Annsa seachdmhadh blíadhuin déug do Phecah mac Remaliah do thosuigh Ahas mac Iótam rígh Iúdah a ríghe.

² Fithche blíadhna daóis do bhí Ahas a nuáir do thosuigh a ríghe, agus do ríoghaidh sé bliádhna déug ann Ierusalem, agus ní dhearnuidh sé an ní fa cheart a radharc an THIGHEARNA Dé, mar do rinne a athair Dáibhi.

³ Acht do shiubhail sé a slighe ríogh Israel, thug fós, ar a mhac dul thríd an tteinidh, do réir adhúathmhaireachd na ngeinteadh, noch do theilg an TIGHEARNA amach roimhe chloinn Israel.

⁴ Agus do rinne sé iódhbairt agus do loisg sé túis air na hárduibh, agus air na cnocaibh, agus fáoi gach éanchrann glas.

⁵ ¶ Annsin tháinic Resin rígh na Síria agus Pecah mac Remaliah rígh Israel súas go Hierusalem chum cogaidh: agus do chuireadar slúagh na suidhe air Ahas, achd ní dheachaidh aca air.

⁶ A nuairsin do ghnodhuigh Résin rígh na Siria Elat ar ais don Tsiria, agus do dhíbir na Iúduighe ó Elat: agus thangadar na Sírianuigh go Helat, agus do áitigheadar ann sin gus a niugh.

⁷ ¶ Annsin do chuir Ahas teachda go Tiglat‐pileser rígh na Hassíria, ghá rádh, Is misi do sherbhíseach agus do mhac: tárr anshíos, agus cumhdaigh mé as láimh rígh na Síria, agus as láimh rígh Israel, noch déirigh súas am aghaidh.

⁸ Agus do ghlac Ahas an tór agus an tairgiod do fríth a ttigh an TIGHEARNA, agus a nionnmhus thighe an rígh, agus do chuir tiodhlacadh go rígh na Hassíria.

⁹ Agus dáontuigh rígh na Hassíria leis: óir do chuáidh rígh na Hassíria súas a naghaidh Dhamascus, agus do ghabh sé í, agus rug na daóine do bhí innte a láimh go Cir, agus do mharbh sé Résin.

¹⁰ ¶ Agus do chúaidh Ahas go Damascus a ccoinne Thiglat‐pileser rígh na Hassíria, agus do chonnairc sé altóir do bhí ann Damascus: agus do chuir an rígh Ahas chum Uriiah an sagart cuma na haltóra, agus a samhlachus, dó réir á hoibrighthe uile.

¹¹ Agus do rinne Uriiah an sagart altóir do réir gach éinneithe dar chuir Ahas an rígh ó Dhamascus chuige: már sin do rinne Uriiah an sagart í fá a nam a ttáinic an rígh Ahas ó Dhamascus.

¹² Agus a núair tháinic an rígh ó Dhamascus, do chonnairc an rígh an altóir: agus tháinic an rígh gus a naltóir, agus do ofráil sé uirre.

¹³ Agus do loisg sé ofráil loisge agus ofráil bhídh, agus do dhóirt a ofráil dighe, agus do chroith sé fuil a ofrála síothchána, air an naltóir.

¹⁴ Agus do rug sé leis mar an gcéadna an naltóir phráis, do bhí a lathair an TIGHEARNA, ó éadan an tighe, ó eidir an naltóir agus tigh an TIGHEARNA, agus do chuir sé air an ttáoibh thuáigh do naltóir í.

¹⁵ Agus do aithin Ahas do Uriiah an sagart, ghá rádh, Ar an naltóir mhóir loisg ofráil loisge na mhaidne, agus ofráil bhídh an trathnóna, agus iodhbuirt loisge an rígh, agus a ofráil bhídh, agus ofráil loisge dháoine na tíre uile, agus a nofral bhidh agus a nofrála dighe; agus croith uirre fuil na hofrála loisge uile, agus fuil híodhbarta uile: agus biádh an naltóir phraís agumsa do cheasnughadh maille lé.

¹⁶ Marso do rinne Uriiah an sagart, do réir a nuile ní dar aithin an rígh Ahas de.

¹⁷ ¶ Agus do gheárr an rígh Ahas imiol na mbásadh, agus do átharruigh an láibher dhíobh amach; agus do leag an nfairge do na damhuibh práis do bhí fúithe, agus do chuir ar phábháil chloch í.

¹⁸ Agus an folach don tsabbóid do rinneadar annsa tigh, agus dul a steach an rígh amuich, do iompóigh sé ó thigh an TIGHEARNA deagla rígh na Hassíria.

¹⁹ ¶ Auois an chuid oile do ghníomhuibh Ahas noch do rinne sé, nach bhfuilid scríobhtha a leabhar croinice ríogh Iúdah?

²⁰ Agus do choduil Ahas a bhfochair a aithreadh, agus do hadhlaiceadh agá aithribh é a ccathruigh Dháibhi: agus do ríoghaidh Heseciah a mhac na áit.