2 Ríthe 14 - An Bíobla Naomhtha 1817 (Bedell)

Caibidil XIV. Do mharbh Amasiah mhac Ioas rí Iudah, dúnmharbhach a athar. 7 Agus na Hedomitigh.

¹ Annsa dara bliadhuin do Ioas mac Iehoahas rígh Israel do rioghadh Amasiah mac Ioas rígh Iúdah.

² Do bhí sé cúig bhlíadhna fithchiod daóis an tan do thosuigh a ríghe, agus do bhí sé na rígh naói mblíadhna fithchiod ann Ierusalem. Agus do bé ainm a mhathar Iehoaddan ó Ierusalem.

³ Agus do rinne sé ceart a radharc an TIGHEARNA, gidheadh ní a ccosamhlachd Dháibhi a athair: do rinne sé do reir gach uile neithe dá ndéarnuidh a athair Ioas.

⁴ Acht cheana níor scriosadh na háite arda: do bhídís an pobal fós ag íodhbuirt agus ag losgadh túise ar na háitibh árda.

⁵ ¶ Agus tárla, ar ball ar daingnigheadh an rioghachd iona láimh, gur mharbh sé a shearbhfhoghantuidhigh noch do mharbh an rígh a athair.

⁶ Acht níor mharbh sé clann na ndúnmharbhthach: do reír mar atá scríobhtha a leabhar dlighe Mhaóise, ann ar aithin an TIGHEARNA, gha rádh, Ní cuirfighear na haithreacha chum báis ar son na cloinne, ní mó cuirfighear an chlann chum báis ar son a naithreach; achd cuirfighear gach aon chum báis ar son a pheacaidh féin.

⁷ ¶ Do mharbh sé deich míle do Edom a ngleann an tsaluinn, agus do ghabh sé Sélah ré cogadh, agus do ghoir Iocteel dainm dhi gus a niugh.

⁸ ¶ Ann sin do chuir Amasiah teachda úadh go Ioas mac Iehoahas mhic Iehu rígh Israel, gha rádh, Tárr, féucham ar aighthibh a chéile.

⁹ Agus do chuir Ioas rígh Israel go Hamasiah rígh Iúdah, ghá rádh, Do chuir an foghbhánnan do bhí a Lebanon teachda chum an chédair do bhi a Lebanon, gha rádh, Tabhair hinghion dom mhacsa na mnáoi: agus do ghabh beathach állta thort do bhí a Lebanon, agus do shaltair siós an foghbhannan.

¹⁰ Do bhúail tú go demhin Edom, agus do thóg do chroidhe súas thú: déana gloír dhe so, agus fan san mbáile: óir cred as a mbúainfeá ré ní do ghoirteochadh thú, as a ttuitfeá féin, agus Iúdah maille riot?

¹¹ Ach ní thug Amasia toradh air. Uimesin do chuáidh Ioas rígh Israel súas; agus dféuch sé feín agus Amasiah rígh Iúdah a chéile na naighthibh a Mbetsémes, noch bheanas re Iúdah.

¹² Agus tugadh an chuid fá mheasa do Iúdah roimhe Israel; agus do theitheadar gach áon aca da bpailiun.

¹³ Agus do ghabh Ioas rígh Israel Amasiah rígh Iúdah, mac Ioas mhic Ahasiah, a Mbet‐sémes, agus thainic sé go Hierusalem, agus do bhris sé síos balla Ierusalem ó gheata Ephraim go geata an choirnéil, ceithre chéud cubhad.

¹⁴ Agus do rug leis iomlán a nóir agus a nairgid, agus ar fríth do shoithighibh a ttigh an TIGHEARNA, agus a nionnmhusuibh thighe an rígh, agus braighde comhaill, agus dfill sé go Samária.

¹⁵ ¶ Anois an chuid oile do ghníomhuibh Ioas noch do rinne sé, agus a neart, agus mar do throid sé re Hamasiah rígh Iúdah, nach bhfuilid scríobhtha a leabhar croinice ríógh Israel?

¹⁶ Agus do choduil Ioas agá aithribh, agus do hadhlaíceadh é a Samária maille re ríoghuibh Israel; agus do ríoghadh Ieroboam a mhac iona áit.

¹⁷ Agus do mhair Amasiah mac Ioas rígh Iúdah cúig bhlíadhna déug a ndiáigh bháis Ioas mhic Iehoahas rígh Israel.

¹⁸ Agus an chuid oile do ghníomhuibh Amasiah, nach bhfuilid scríobhtha a leabhar croinice ríogh Iúdah?

¹⁹ Anois do chumadar feall iona aghaidh ann Ierusalem: agus do theith sé go Lachis; achd do chuireadarsan na dhíagh go Lachis, agus do mharbhadar ann sin é.

²⁰ Agus thugadar leó air eachaibh é: agus do hadhlaiceadh é ann Ierusalem agá aithribh a ccathruigh Dháibhi.

²¹ ¶ Agus rugadar pobal Iúdah uile Asariah, (noch do bhí sé blíadhna déag dáois) leó, agus do rinneadar rígh dhe a naít Amasiah a athair.

²² Do chuir se súas Elat, agus do aisig do Iúdah í, tar éis sin do choduil an rígh a bhfochair a aithreadh.

²³ ¶ Annsa ccúigeadh bliadhuin déag do Amasiah mac Ioas rígh Iúdah do thosuigh Ieroboam mac Ioas rígh Israel a ríghe a Samária, agus do bhí na rígh blíaghuin agus dá fhithchiod.

²⁴ Agus do rinne sé olc a radharc an TIGHEARNA: níor dhealuigh sé ré uile pheacuighibh Ieroboam mhic Nébat, noch thug ar Israel peacughadh.

²⁵ Do aisig sé cósta Israel ó theachd a steach Hamat go fairge an réitigh, do réir bhréithre an TIGHEARNA Día Israel, noch do labhair sé le láimh a óglaich Iónah, mhic Amittai, an fáigh, noch do bhí do Ghat‐hepher.

²⁶ Oír do chonnairc an TIGHEARNA aindeise Israel, go raibh ro shearbh: óir níor druideadh éainni súas, agus nior fágbhadh éinní, nó cungantach ar bith ag Israel.

²⁷ Agus ní dubhairt an TIGHEARNA fós go léirscriosfadh sé ainm Israel ó bheith faói neamh: acht do sháor sé íad le láimh Ieroboam mhic Ioas.

²⁸ ¶ Anois an chuid oile do ghníomhnibh Ieroboam, agus a ndéarna sé uile, agus a neart, mar do rinne sé cogadh, agus mar do bhean sé Damascus amach, agus Hamat Iúdah, do Israel, nach bhfuilid scriobhtha a leabhar croinice ríogh Israel?

²⁹ Agus do choduil Ieroboam agá aithribh, ag rioghuibh Israel; agus do bhí Sachariah a mhac na rígh iona áit.