2 Ríthe 13 - An Bíobla Naomhtha 1817 (Bedell)

Caibidil XIII. Do bhuaghaidh Iehoas mac Iehoahas ri Israel, ar na Sirianchuibh go minic.

¹ Annsa treas blíadhain fithchiod do Ioas mac Ahasiah rígh Iúdah do thosuigh Iehoahas mac Iehu a ríghe ós cionn Israel a Samária, agus do bhí na rígh seachd mblíadhna déug.

² Agus do rinne sé an ní budh olc a radharc an TIGHEARNA, agus do lean sé peacadh Ieroboam mhic Nébat, noch thug ar Israel peacughadh; níor dhealuigh sé ris sin.

³ ¶ Agus do las fearg an TIGHEARNA a naghaidh Israel, agus do thoirbhir iad a láimh. Hasael rígh na Síria, agus a láimh Bhen hadad mhic Hasael, ar feadh a láetheadh uile.

⁴ Agus do ghuidh Iehoahas an TIGHEARNA, agus déist an TIGHEARNA ris: oír do chonnairc sé comhmbuáidhreadh Israel, do bhrígh gur sháruigh rígh na Síria íad.

⁵ Agus thug an TIGHEARNA fear tárthála do Israel, ionnus go ndeachadar amach ó bheith fáoi láimh na Sírianach: agus do aítreabhadar clann Israel iona ttighthibh, mar do bhádar roimhe.

⁶ Gidheadh níor dhealuigheadar re peacadh thighe Ieroboam, noch thug ar Israel peacughadh, achd do shiubhluigheadar ann: agus do bhí an garrán fós a Samária.

⁷ Agus níor fhág sé don phobal ag Iehoahas achd cáogad marcach, agus deich ccarbuid, agus deich míle coisighe; óir do mharbh rígh na Síria íad, agus do rinne íad amhuil luaithreadh re búaladh.

⁸ ¶ Anois an chuid oile do ghniómhuibh Iehoahas, agus a ndéarna sé uile, agus a neart, nach bhfuilid scríobhtha a leabhar croinice ríogh Israel?

⁹ Agus do choduil Iehoahas a bhfochair a aithreadh; agus do adhlaiceadar é a Samária; agus do ríoghaidh Ioas a mhac iona áit.

¹⁰ ¶ Annsa seachdmhadh blíadhuin déug ar fhithchid do Ioas rígh Iúdah do thosuigh Iehoas mac Iehoahas a ríghe ós cionn Israel a Samaria, agus do ríoghaidh sé blíadhna déug.

¹¹ Agus do rinne sé olc a radharc an TIGHEARNA; níor léig sé dhe peacuidh Ieroboam mhic Nebat uile, noch thug ar Israel peacughadh: achd do shiubhail sé ionnta.

¹² Agus an chuid oile do ghníomhuibh Ioas, agus a ndéarna sé uile, agus a neart ler throid se a naghaidh Amasiah rígh Iúdah, nach bhfuilid scríobhtha a leabhar croinice ríogh Israel?

¹³ Agus do choduil Ioas a bhfochair a aithreadh; agus do shuigh Ieroboam iona chathaoir ríogha: agus do hadhlaiceadh Ioas a Samária a bhfochair ríogh Israel.

¹⁴ ¶ Anois do ghlac tinneas Elisa don tinneas dá bfuáir sé bás. Agus tháinic Ioas rígh Israel síos chuige, agus do ghuil ós a chionn, agus a dubhairt, O mathair, mathair, carbad Israel, agus a mharcshlúagh.

¹⁵ Agus a dubhairt Elisa ris, Glac bogha agus soighde. Agus do ghlac sé bogha agus soighde.

¹⁶ Agus a dubhaírt sé ré rígh Israel, Cuir do lamh ar do bhogha. Agus do chuir se á lámh air: agus do chuir Elisa a lámh ar láimh an rígh.

¹⁷ Agus a dubhairt sé, Foscuil an nfuinnéog don leath shoir. Agus dfoscuil sé í. Annsin a dubhairt Elisa, Caith. Agus do chaith seision. Agus a dubhaírt sé, Soighead sháortha an TIGHEARNA, agus soigheadh na tárthala ó Shiria: óir buailfidh tusa na Sírianuigh ann Aphec, no go scroiosfuidh tú íad.

¹⁸ Agus a dubhairt sé, Glac na soighde. Agus do ghlac sé íad. Agus a dubhairt sé ré rígh Israel, Buail ar an ttalumh. Agus do bhuail sé trí huáire, agus do sdad sé.

¹⁹ Agus do bhí óglach Dé feargach ris, agus a dubhairt sé, Budh chóir dhuit a bhualadh a cúig no a sé huáiribh; annsin do bhuáilfá Síria nó go scriostá í: a nait nach mbuáilfidh tú anois Síria achd trí huáire.

²⁰ ¶ Agus déug Elisa, agus do adhlaiceadar é. Agus do ionnsuigheadar buidhne na Moabiteach an tír ar theachd a steach na blíadhna.

²¹ Agus tárla, mar do bhadar ag adhlacadh duine, féuch, go bhfacadar buidhean aca; agus do theilgeadar an duine a ttuama Elisa: agus a nuáir do léigeadh an tóglach síos, agus do bhean sé re cnámhuibh Elisa, do aithbhéoghuidh sé, agus do sheas sé súas ar a chosuibh.

²² ¶ Acht do bhrúigh Hasael rígh na Síria Israel ar feadh laethé Iehoahas.

²³ Agus do bhí an TIGHEARNA grásamhuil dóibh, agus do ghabh truáighe dhóibh é, agus do bhí meas aige orra, do bhrígh a chunnartha ré Abraham, ré Isaac, agus ré Iácob, agus níor bháill leis a sgrios uile, ná a tteilgion úadh as a lathair fós.

²⁴ Annsin fúair Hasael rígh na Síria bás; agus do ríoghaidh Ben‐hadad a mhac íona áit.

²⁵ Agus do bhean Ioas mac Iehoahas a rís as láimh Bhen‐hadad mhic Hasael na caithreacha, do bhean seision as láimh Iehoahas a athair le cogadh. Do bhuail Ioas é trí huáire, agus do bhean sé caithreacha Israel de.