1 Ríthe 10 - An Bíobla Naomhtha 1817 (Bedell)

Caibidil X. Táinic bainrioghan Sheba, do chúr ceastanna ar Sholaimh.

¹ Agus a núair do chúalaidh bainríoghan Shéba clú Sholuimh fá anma an TIGHEARNA, tháinic sí dá dhearbhadh le ceastuibh cruaidhe.

² Agus tháinic sí go Hierusalem ré cuideachduin romhóir, maille re cámhalluibh diomchuir spíosraidh, agus iomarcaigh óir, agus clocha uáisle: agus a nuáir tháinic sí mar a raibh Solámh, do chomhráidh si ris fá gach éinni dá raibh ann a croidhe.

³ Agus dinnis Solamh dhi a ceastanna uile: ní raibh éainni díam hair air an rígh, nach ar innis sé dhi.

⁴ ¶ Agus a nuáir do chonnairc bainríoghan Shéba críonnachd Sholuimh uile, agus an tigh do thóg sé,

⁵ Agus biádh a bhuird, agus suidhe a sherbhíseach, agus miniostralachd a luchd fritheoilte, agus a néuduighe, agus fós a ghiolluighe cupáin, agus a dhul súas mar a ttíagh súas go tigh an TIGHEARNA; ní raibh nios mó do spioruid inte.

⁶ Agus a dubhairt sí ris an rígh, As fíor a naithris do chuala misi am dhuithche féin ar do ghníomhuibhsi agus ar do chríonnachd.

⁷ Gidheadh níor chreid mé na bríathra, nó go ttáinic mé, agus go bhfacuidh mo shúile íad: agus, féuch, níor hinnseadh a leath dhamh: do sháruigh do chríonnachd agus do shonus an túarusgbháil do chúala mé.

⁸ Is sona atáid do dhaóine, sona atáid so do sherbhísigh, noch sheasas a ccomhnuighe ad lathair, agus chluinneas do chríonnachd.

⁹ Go madh beannuigh do THIGHEARNA Día, fuáir dúil ionnad, dot shuighiughadh a ccathaóir ríogha Israel: do bhrígh gur ghrádhuigh an TIGHEARNA Israel go bráth, as uime sin do rinne sé rígh dhiotsa, do dhéanamh breitheamhnuis agus ceirt.

¹⁰ ¶ Agus thug sí don rígh céud agus fithche tallann óir, agus romhórán spíosradh, agus cloch úasal: ní thainic a ríamh na dhiáigh nios mó do shaidhbhrios spíosradh ná íad so thug bainríoghan Shéba don rígh Solamh.

¹¹ Agus cobhlach Híram mar an gcéadna, noch thug ór ó Ophir, thugadar leó ó Ophir ro mhórán crann Almug, agus cloch úasal.

¹² Agus do rinne an rígh do na crannuibh Almug piléir do thigh an TIGHEARNA, agus do thigh an rígh, cláirseacha mar an gcéadna agus adhbha chíuil don luchd ceóil: ní thainic a leithéid sin do chrannuibh Almug, ní mó do chonncus íad gus a niugh.

¹³ Agus thug an rígh Solamh do bhaínríoghain Shéba a míana uile, gidh bé ar bith ní díarr sí, táobh amuigh dhá ttug an rígh Solamh dhi dá thiodhlaicibh ríoghamhla féin. Marsin dfill sí, agus do chuáidh dá tír féin, í féin agus a muinntir.

¹⁴ ¶ Anois do bé cómhthrom a nóir tháinic chum Soluimh a néainbhlíadhuin sé chéud trí fithchid agus sé tallanna óir.

¹⁵ Taobh amuigh dá bhfuáir sé ó na ceannuighibh, agus ó thurusaibh ceannuigheadh na spíosradh, agus ó ríghthibh na Harábia uile, agus ó úachdaránuibh na tíre.

¹⁶ ¶ Agus do rinne an rígh Solamh dhá chéud sgíath dór bhúailte: sé chéud secel óir do chuáidh chum gach éain scéithe.

¹⁷ Agus do rinne sé trí chéud láimhsciath dór bhuailte; do chuáidh trí phunta óir chum gach éainscéithe: agus do chuir an rígh íad a ttigh na foraóise a Lebanon.

¹⁸ ¶ Mar an gcéadna do rinne an rígh cathaóir mhór ríogha do ebur, agus dfoluigh í uile re hór fíorghlan.

¹⁹ Do bhádar sé choiscéim ag an gcathaóir, agus mullach na cathaóire cruinn taobh shíar: agus do bhádar fulaing ar gach taóibh do nionad suidhe, agus dhá leomhan na seasamh re taóibh na bhfulang.

²⁰ Agus do sheas dhá leomhan déug annsin ar a ttaóibhse agus ar an ttáoibh oile ar na sé choiscéim: ní déarnadh a leithéid a néainrioghachd.

²¹ ¶ Agus do bhádar soithighe óil thighe Sholuimh uile dór, agus soithighe tighe fhoraóise Lebanon do bhádar uile dór fhiorghlan; níor bhairgead éantsoitheach dhíobh: ní raibh meas air a láethibh Sholuímh.

²² Oír do bhí ag an rígh ar fairge cobhlach Tharsis maille re cobhlach Híram: éanuáir annsna trí blíadhnaibh do thigeadh cobhlach Tharsis, ag tabhairt óir, agus airgid, agus fhíacal Elephant, agus Appadh, agus phéacóg.

²³ Marsin do sháruigh an rígh Solamh righthe an domhuin uile á saidhbhrios agus a neagna.

²⁴ ¶ Agus do bhí an sáoghal uile ag íarruidh teachd go Solumh, déisteachd ré na eagna, noch do chuir Día iona chroidhe.

²⁵ Agus thugadar léo gach áon aca a bhronntanus, soithighe airgid, agus soithighe óir, agus culaidheacha, agus arm, agus spíosradh, eich, agus múilligh, suim áirigh gacha blíadhna.

²⁶ ¶ Agus do chruinnigh Solamh a gceann a cheile carbuid agus marcslúagh: agus do bhí aige míle agus ceithre chéud carbad, agus dhá mhile dhéug marcach, noch do chuir sé annsna caithreachaibh chum na ccarbad, agus ag an rígh ann Ierusalem.

²⁷ ¶ Thug an rígh airgiod do bheith ann Ierusalem amhuil clocha: agus thug cedar do bheith ann amhuil crann sicamor noch atá ánnsa ghleann, air líonmhaireachd.

²⁸ ¶ Agus do thigeadh chum Soluimh eich as an Négipt, agus snáth lín: do ghlacaidís ceannuighthe an righ an snáth lín ar shuim áirigh.

²⁹ Agus do chuáidh carbad súas agus tháinic as an Négipt ar cheann sé chéad secel airgid, agus eich ar ceann chéud agus cáogad: agus mairsin do ríoghuibh na Hititeach uile, agus do ríoghuibh na Síria, agus do bheireadh síadsan amach íad le na láimh.