Salm 75 - An Bíobla Naofa 1981

Is é Dia an Breitheamh Cóir

¹ Don stiúrthóir. Leis an bhfonn “Ná Scrios”. Salm Ásáf. Amhrán.

² Is leat a ghabhaimid buíochas, a Dhia; gabhaimid buíochas leat; agraímid d'ainm agus déanaimid d'éachtaí a fhógairt.

³ “An uair a shocróidh mé féin tabharfaidh mé breith de réir an chirt.

⁴ Bíodh go gcorraítear an talamh agus a bhfuil ann is mé a dhaingnigh a cholúin.

⁵ Deirim le lucht bladhmainn: ‘Scoirigí de bhur mbladhmann’; agus leis na hurchóidigh: ‘Ná maígí bhur neart,

⁶ ná déanaigí gaisce as bhur neart, ná labhraigí go dolba dána.”

⁷ Óir ní ón aird anoir ná aniar, ón bhfásach ná ón sliabh a thig an bhreith;

⁸ is é Dia féin an breitheamh; umhlaíonn sé nó ardaíonn sé de réir mar a oireann.

⁹ Tá cupán d'fhíon dearg ag an Tiarna; spíosraí ann is an cúr ag cur thar maoil. Doirtfear amach é agus déanfar a dhiúgadh; diúgfaidh urchóidigh uile an talaimh é.

¹⁰ Maidir liomsa: déanfaidh mé gairdeas go deo; canfaidh mé Salm do Dhia Iacóib. 10 Brisfidh mé cumhacht lucht an oilc agus ardófar na fíréin i gcumhacht.