Salm 61 - An Bíobla Naofa 1981

Ar son an Rí

¹ Do stiúrthóir an chóir. Ar théada ceoil. [Salm] le Dáiví.

² Éist le mo ghlao, a Dhia; tabhair cluas do m'urnaí!

³ Glaoim ort ó chríocha na cruinne nuair a chliseann mo chroí. Ar charraig nach bhfuil breith agam uirthi, cuir mé in airde, a Dhia,

⁴ Óir is tú mo dhún is mo dhaingean in aghaidh an namhad.

⁵ Mo thrua gan mé i mo chónaí i do phuball go brách na breithe, chun go bhfaighe mé díon agus dídean faoi scáth do sciathán. Selah

⁶ Óir d'éist tú le mo mhóideanna, a Dhia; thug tú dom oidhreacht an dreama arb eagal leo d'ainm.

⁷ Cuir fad le saol an rí; go maire sé choíche!

⁸ Go raibh a réim go brách na breithe i bhfianaise Dé. Cuir trócaire ghrámhar agus dílse uait amach, á chaomhnú,

⁹ agus molfaidh mé d'ainm go brách; díolfaidh mé mo mhóideanna gach aon lá.