Salm 54 - An Bíobla Naofa 1981

Dia na Córa

¹ Do stiúrthóir an chóir. Ar théada ceoil. Mascil Dháiví

2 nuair a tháinig muintir Zíf ag triall ar Shól á rá leis: “Féach, tá Dáiví i bhfolach inár measc.”

² nuair a tháinig muintir Zíf ag triall ar Shól á rá leis: “Féach, tá Dáiví i bhfolach inár measc.”

³ Slánaigh mé a Dhia, le d'ainm; déan mo chúis a agairt le do neart.

⁴ Éist, a Dhia, le m'urnaí, tabhair cluas do bhriathra mo bhéil.

⁵ Óir d'éirigh lucht an díomais amach i m'éadan, agus tá daoine gan trua ar thóir m'anama; níl aird dá laghad acu ar Dhia. Selah

⁶ Féach! tá Dia ag teacht i gcabhair orm; tá an Tiarna ag coinneáil an dé ionam.

⁷ Fillfidh an t‑olc ar mo naimhde; díothaigh iad as ucht do dhílse.

⁸ Déanfaidh mé íobairt duit, a Thiarna, go fonnmhar, agus molfaidh mé d'ainm toisc gur maith é. 7 Óir d'fhuascail tú ón uile thrioblóid mé ionas go bhfaca mé mo naimhde á dtreascairt.