Salm 25 - An Bíobla Naofa 1981

Treoir agus Maithiúnas á Lorg

1 Le Dáiví.

¹ Le Dáiví. 1 Is chugat a thógaim m'anam, a Thiarna:

² Is ionat a chuirim mo dhóchas, nár dhéantar mo náiriú, a Dhia; ná maíodh mo naimhde a mbua orm.

³ Ní náireofar a gcuireann a ndóchas ionat ach an dream a fheallann gan ábhar ar iontaoibh.

⁴ Taispeáin do shlite dom, a Thiarna, agus déan do chosáin a mhúineadh dom.

⁵ Déan mo threorú i d'fhírinne, tabhair teagasc dom, óir is tú mo Dhia agus mo shlánaitheoir. Is ortsa a bhím ag feitheamh feadh an lae

⁶ Bí ag cuimhneamh, a Thiarna, ar do thrócaire agus ar an ngrá a thaispeáin tú riamh.

⁷ Ná cuimhnigh ar chionta m'óige 7b ach amháin ar do bhuanghrá féin. 7c mar gheall ar do chineáltas, a Thiarna.

⁸ Is grásmhar agus is ionraic é an Tiarna, taispeánann sé an tslí do na peacaigh.

⁹ Díríonn sé dream na huirísle san fhíréantacht agus múineann a shlí don duine cneasta.

¹⁰ Buanghrá is dílse cosáin uile an Tiarna dá gcomhlíonann a chonradh agus a aithne.

¹¹ Ar mhaithe le d'ainmse, a Thiarna, maith dom mo pheaca, óir is mór é.

¹² Cé hé an fear lenarb eagal an Tiarna? Déanfaidh sé eolas na slí is tofa dó.

¹³ Mairfidh a anam faoi shéan agus faoi shonas agus gheobhaidh a shliocht an talamh.

¹⁴ Tá gean an Tiarna ar lucht a eaglaithe agus is dóibh a fhoilsíonn sé a chonradh.

¹⁵ Bíonn mo shúile ar an Tiarna de shíor óir scaoilfidh seisean mo chosa as an líon.

¹⁶ Iompaigh i leith orm le trócaire, óir táimse i m'aonarán angarach.

¹⁷ Tabhair faoiseamh don chroí atá cráite agus beir mé slán ón anacair.

¹⁸ Tabhair do d'aire mo bhrón is mo bhuairt agus maith dom mo pheacaí go léir.

¹⁹ Féach a líonmhaire atá mo naimhde, a bhfuil fuath thar fóir acu dom.

²⁰ Déan m'anam a chosaint, agus fuascail mé; nár náirítear mé toisc mo thriall a bheith ort.

²¹ Go gcumhdaí an neamhurchóid is an t‑ionracas mé, óir is ionat atá mo dhóchas, a Thiarna.

²² A Dhia, saor Iosrael ar a chúngaigh go léir!