Salm 130 - An Bíobla Naofa 1981

Salm Aithrí agus Dóchais

1 Amhrán Oilithreach.

¹ Amhrán Oilithreach. 1 As na duibheagáin a ghlaoim ort, a Thiarna; éist, a Thiarna, le mo ghuí.

² Go n‑éiste do chluasa go haireach le mo ghlór ag impí ort.

³ Má fhéachann tú ár gcionta, a Thiarna, a Thiarna, cé rachaidh slán?

⁴ Ach is leat na peacaí a mhaitheamh; ionas go riarfaí go humhal duit.

⁵ Tá muinín ag m'anam as an Tiarna; ar a bhriathar atá mo sheasamh.

⁶ Is foighní m'anam ag feitheamh leis an Tiarna, ná lucht faire leis an maidin. Bíonn lucht faire ag faire leis an maidin,

⁷ agus Iosrael leis an Tiarna, de bhrí gur ag an Tiarna atá an trócaire, agus an fhuascailt fhairsing.

⁸ Agus is é a dhéanfaidh Iosrael a fhuascailt óna gcionta go léir.