Salm 129 - An Bíobla Naofa 1981

Achainí in aghaidh an Namhad

1 Amhrán Oilithreach.

¹ Amhrán Oilithreach. 1 Is minic a crádh mé ó m'óige; abradh Iosrael anois:

² Is minic a crádh mé ó m'óige, ach ní dhearnadh mo threascairt.

³ Bhí fir chéachta ag réabhadh ar mo dhroim; rinne siad a gclaiseanna fada.

⁴ Ach ghearr an Tiarna fíréanta cordaí na n‑éagráifeach.

⁵ An dream ar fuath leo Síón, go gcuirtear ar gcúl iad faoi náire.

⁶ Gura cosúil iad le féar ar dhíon tí, a sheargann sula sceitheann sé;

⁷ nach líonann an buanaí a lámh leis, ná an fear ceangail a bhrollach.

⁸ Agus nach ndéarfaidh lucht taistil na slí “Bail ó Dhia ar an obair! Beannaímid sibh in ainm an Tiarna; anois agus choíche!”