Salm 128 - An Bíobla Naofa 1981

An Teaghlach Sona Sásta

1 Amhrán Oilithreach.

¹ Amhrán Oilithreach. 1 Is aoibhinn do chách lenarb eagal an Tiarna, agus a shiúlann ina shlite.

² Íosfaidh tú toradh de shaothair féin; beidh tú go sona séanmhar.

³ Beidh do bhean chéile mar fhíniúin thorthúil, i gceartlár do thí. Beidh do chlann mar bhuinneáin crainn olóige, mórthimpeall do bhoird.

⁴ Is amhlaidh a bheannófar an duine ar a mbíonn eagla an Tiarna.

⁵ Go mbeannaí an Tiarna thú amach as Síón; gach uile lá de do shaol.

⁶ Go bhfeice tú clann do chlainne agus séan ar Iarúsailéim. Síocháin go raibh ar Iosrael.