Salm 126 - An Bíobla Naofa 1981

Síolchur Deorach, Fómhar Lúcháireach

1 Amhrán Oilithreach.

¹ Amhrán Oilithreach. 1 Nuair a sheol an Tiarna príosúnaigh Shíón ar ais, ba chosúil le lucht aislinge sinn.

² Líon ár mbéal le gáire, agus ár dteanga le gairdeas. Bhíothas á rá ansin i measc na gciníocha: “Rinne an Tiarna go héachtach dóibh.”

³ Rinne an Tiarna na héachtaí dúinn; bhí áthas orainn go deimhin.

⁴ Cuir sonas orainn arís, a Thiarna, mar shruthanna sa Neigib.

⁵ An dream a chuireann síol le deora, bainfidh siad an fómhar faoi ghairdeas.

⁶ Ag sileadh deor dóibh gabhann siad amach, ag iompar síl chun a scaipthe. Ag teacht ar ais dóibh tagann siad faoi áthas, agus a bpunanna á n‑iompar acu.