Salm 122 - An Bíobla Naofa 1981

Iarúsailéim: An Chathair Naofa

1 Amhrán oilithreach. Le Dáiví.

¹ Amhrán oilithreach. Le Dáiví. 1 Rinne mé gairdeas nuair a dúradh liom: “Rachaimid isteach i dteach an Tiarna.”

² Tá ár gcosa ina seasamh cheana féin i do dhoirse, a Iarúsailéim.

³ Rinneadh cathair Iarúsailéim a thógáil go dlúth is go daingean.

⁴ Is chuici suas a ghabhann na treibheanna, treibheanna an Tiarna, d'fhonn is go dtugaidís fianaise do Iosrael, agus buíochas don Tiarna.

⁵ Is ansiúd atá cathaoir an bhreithiúnais, cathaoir do theaghlach Dháiví.

⁶ Iarraigí síocháin Iarúsailéim a chur chun cinn; gura slán a dtugann taitneamh duit.

⁷ Síocháin go raibh laistigh de do mhúrtha, agus flúirse i do phálás.

⁸ Ar son mo bhráithre agus lucht mo pháirte, síocháin go raibh ionat.

⁹ Ar son teach an Tiarna, ár nDia, iarraim do leas.