Salm 121 - An Bíobla Naofa 1981

Is é an Tiarna ár nDídean

1 Amhrán Oilithreach.

¹ Amhrán Oilithreach. 1 Tógaim mo shúile chun na sléibhte. Cad as do mo chúnamh?

² Is ón Tiarna féin atá mo chúnamh, a rinne neamh agus talamh.

³ Nár lige sé duit tuisliú go deo; nár dhéana do gharda codladh.

⁴ Féach! ní thitfidh sámhchodladh ná suan ar gharda Iosrael.

⁵ Is é an Tiarna do gharda is do dhídean, agus é ar do dheis.

⁶ Ní bhuailfidh an ghrian thú i rith an lae, ná an ré istoíche.

⁷ Coimeádfaidh an Tiarna ón uile olc thú; coimeádfaidh sé d'anam.

⁸ Coimeádfaidh an Tiarna thú ag imeacht is ag teacht duit, anois agus choíche.