Iób 25 - An Bíobla Naofa 1981

Dia Uilechumhachtach

¹ Ansin d'fhreagair Bildead ó Shiúach agus dúirt:

² Cad é tiarnas agus urraim atá ag dul do [Dhia]! Cuireann sé an tsíocháin i réim sna harda.

³ An bhfuil áireamh ar líon a shluaite, Ar tháinig aon duine slán óna [luíocháin]?

⁴ Arbh fhéidir d'aon duine a bheith fíréanta i láthair Dé? Arbh fhéidir don té a gineadh ó bhean a bheith ionraic?

⁵ Níl an ghealach féin geal, Ná na realtaí glan ina láthair.

⁶ Nach lú ná sin an duine, nach bhfuil ann ach cruimh, Agus mac an duine, nach bhfuil ann ach péist.