Nallunairun
Proverbs-aat kalikait imangqertut qaillun assirluni yuullerkamek agayumacim-llu elitnaurutainek, qanrutkumaluteng pulengtaq qanruyutngulalriatgun alerquutnek cali-llu qanruyukarteggun. Amllenrit ukut qanruyutet imkuugut alerquakaraat kesianek atulaqput yuucimten̄i. Ayagnengqertut neq'ak'laasqelluku una “Elisngamek pingqerrarkaukuvet, ciumek qigcikarkaugan Ataneq,” tuaken-llu ayagluteng kiingan agayumaciq pivkenaku, ilakaat usvituluni yuullerkaq callermini-llu tamiini pillagavkenani pillerkaq. Amlleret qanruyukaraat aperturaat taringnarcallrit ak'allat Israelite-at elitnauristaita, qaillun umyuartulria yuk piarkaucianek canun ayuqenrilngurnun tekiskuni. Ilait makut qanruyuterraat piit: ilakellriit qaillun ilakuyutellerkait, allanun-llu yugnun qaillun ilakuyutengqellerkait cali qaillun caliat caliaqerkauciitnek. Ilait-llu piut cat carraungalengraata yuum assirluni pillerkai allanun yugnun ilautellermini, allat-llu cali piit yuum qaillun ellminek nuqingallerkaa. Amlleret-llu cali qanrutkait waten ayuqucingqellerkaq: ellminek picalqukenritlerkaq, nerinisngialliqenritlerkaq, arrsaulriit yuut qigciklerkaat, piciuluni-llu pillerkaq yugnikek'nganun.
Kalikam Imaa
Nanrarluku umyuartuneq 1.1—9.18
Solomon-aam ayuqucirtuutai 10.1—29.27
Agur-am qanellri 30.1-33
Ayuqenrilnguut qaneryarat 31.1-31
