Sa᷅m 3 - Yāu̍ Mɛ̄lɛ̄ka̍a̍

Pīɛ̄īlē īdīi̍le̍ŋ le̍ mālāa̍ Mɛ̄lɛ̄ka̍a̍

¹ O̍o̍ Mɛ̄lɛ̄ka̍ Ya̍a̍wɛ̄ɛ̄, ya̍a̍mɔ̍ɔ̍wa̍a̍ si̍mu̍l la̍ wa̍ ā chō fāŋgā. Ya̍a̍mɔ̍ɔ̍wa̍a̍ cho̍ ya̍ chīēīyo̍ wa̍ ā chō ā bɔ̄ɔ̍.

² Ā chō dīmīo̍o̍ āā, “Mɛ̄lɛ̄ka̍ cho̍ ndu̍ pīŋī le̍.”

³ Kɛ̍ ndu̍yɛ̍, nūm Mɛ̄lɛ̄ka̍ Ya̍a̍wɛ̄ɛ̄, nu᷄m ma̍ndā ya̍ a̍ te̍le̍ŋ kpūndɔ̍ɔ̍ ni̍. A̍ to̍sa̍ mi̍ sɔ̍lā bɛ̍ɛ̍le̍ bɛ̍ndūle̍ŋ. Nu᷄m ke̍ ya̍ kɔ̄l sīmūlāa̍ ni̍.

⁴ Tē I̍ ve̍e̍lu̍ nūm Mɛ̄lɛ̄ka̍ Ya̍a̍wɛ̄ɛ̄ le̍ ya̍ mālāa̍ pɛ̍, nāa̍ ŋ̄ chō o̍ pēmbīī nūm i̍ kāsīe̍i̍ chōo̍ wa̍, a̍ lo̍ o̍ ko̍ŋ a̍ mu̍li̍ ya̍ dīōm, a̍ ma̍la̍ ya̍.

⁵ Nūm Mɛ̄lɛ̄ka̍ Ya̍a̍wɛ̄ɛ̄, nu᷄m ke̍ ya̍ kɛ̍ndi̍a̍a̍ ni̍, le̍ he̍ī, tē I̍ hi̍ni̍ pɛ̍ I̍ lɔ̍lnu̍ŋ kpo̍o̍, īdīi̍ I̍ te̍ndū le̍nde̍ yɛ̍lɛ̍kɛ̍lɛ̍ɛ̍.

⁶ Sīōōŋīī bɛ̍ɛ̍ cho̍ ya̍ le̍ ya̍a̍mɔ̍ɔ̍wa̍a̍ wa̍a̍la̍ tɔ̍ wa̍, a̍ ba̍lu̍ ya̍ wa̍ le̍.

⁷ O̍o̍ Mɛ̄lɛ̄ka̍ Ya̍a̍wɛ̄ɛ̄, hu̍ŋ fɔ̍, hu̍ŋ ba̍ŋā ya̍ Ya̍a̍mɔ̍ɔ̍wa̍ o̍ bā Mɛ̄lɛ̄ka̍ nūu̍. Ā sōŋ ya̍a̍mɔ̍ɔ̍wa̍ nīa̍a̍ kpo̍u̍, ā nɔ᷅ lɛ̍ kpāāyā mā yɔ᷄ŋ ya̍ nyɛ̄ le̍.

⁸ Mɛ̄lɛ̄ka̍ Ya̍a̍wɛ̄ɛ̄, ndu̍ ba̍ŋā wa᷅ŋndo̍ Ya̍a̍mɔ̍ɔ̍wa̍a̍ o̍ bā ni̍. Mbɔ̄ dɛ̍nɛ̍ ndɔ̄ kɛ̍ndɔ̄ɔ̍ ō wa̍ wānāa̍ ndūa̍a̍ chōo̍ fɔ̍.