Sa᷅m 150 - Yāu̍ Mɛ̄lɛ̄ka̍a̍

Sāŋgālāa̍ chō le̍ Māsānɔ̄ɔ̍ Mɛ̄lɛ̄ka̍

¹ Sāŋgālāa̍ chō le̍ Mɛ̄lɛ̄ka̍ Ya̍a̍wɛ̄ɛ̄! Lā sāŋga̍la̍ Mɛ̍lɛ̄ka̍ Ya̍a̍wɛ̄ɛ̄ o̍ chīɛ̄ī ndɔ̍ kāsīo̍o̍ ni᷄ŋ! Lā sāŋgāla̍ ndu̍ o̍ fo̍ndā ndɔ̍ kpāāyā bɛ̍ndōo̍ chōo̍ cho̍o̍!

² Lā sāŋga̍la̍ ndu̍, kāni̍ fo̍ndōle̍, le̍ wa̍lta̍ kpāāyāla̍ bɛ̍ndūlā o̍ to̍sa̍ la̍ŋ! Lā sāŋga̍la̍ ndu̍, kāni̍ fo̍ndōle̍, le̍ mɛ̄ɛ̍ o̍ cho̍ wāna̍ kpāāyā bɛ̍ndū mbo̍ hīāū wānā o̍ wānā yɛ̍!

³ Lā sāŋga̍la̍ ndu̍ a̍ bu̍lu̍la̍ŋ hɔ̄ŋndo̍! Lā sāŋga̍la̍ ndu̍ a̍ tōwāla̍ŋ, ndu̍yɛ̍ a̍ nyɛ̄m chāāŋ īyōō ŋ̄chēle̍ŋndo̍ŋ lɔ̄ɔ̍!

⁴ Lā sāŋga̍la̍ ndu̍ a̍ dūndūla̍ŋ lɔ̄ɔ̍ mī lā yā! Lā sāŋga̍la̍ ndu̍ a̍ tōwāla̍ŋ lɔ̄ɔ̍, mī lā hūāŋ sɛ᷅ŋnde̍!

⁵ Lā sāŋga̍la̍ ndu̍ a̍ dūndūla̍ pɔ̍mbɔ̄la̍ŋ lɔ̄ɔ̍! Lā sāŋga̍la̍ ndu̍ a̍ dūndu̍la̍ pɔ̍mbɔ̄la̍ cho̍mūl cho̍mu̍l bɛ̍ndōo̍ la̍ŋ!

⁶ Nya̍ nyɛ̄ o̍ nyɛ̍ cho̍ nyɛ̄ yōōmāā, lā sāŋga̍la̍ Mɛ̍lɛ̄ka̍ Ya̍a̍wɛ̄ɛ̄! Sāŋgālāa̍ chō le̍ Mɛ̄lɛ̄ka̍ Ya̍a̍wɛ̄ɛ̄!