Sa᷅m 14 - Yāu̍ Mɛ̄lɛ̄ka̍a̍

A̍ yɔ̄ŋ wɔ̄ɔ̍ŋ wāna̍ chi̍o̍o̍ o̍kɔ̄ɔ̄

¹ Dīɔ̄mndo̍ ndu̍ di̍mī o̍ kɔ̄l ndɔ̄ɔ̍ ni᷄ŋ ni̍ māā, Mɛ̄lɛ̄ka̍ cho̍ le̍. Ŋ̄wāŋndā chīe̍e̍ kpo̍u̍ wānāā lāka̍fāa̍ nda̍ chō ni̍. Sɔ̄ɔ̍ŋ dɛ̍nɛ̍ wɔ̍ɔ̍ŋndo̍ŋ, mu̍ŋ ko̍ni̍ nda̍ tōsā ni̍. Ō pīlɛ̍ bɛ̍ɛ̍ cho̍ mbō tōsa̍ sūɛ̍i̍ kɛ̍ndɛ̄ le̍.

² Mɛ̄lɛ̄ka̍ Ya̍a̍wɛ̄ɛ̄ o̍ cho̍ ɛ̄chɛ̍nɛ̄ mbo̍ wā ŋ̄wāŋndā chīe̍e̍ kpo̍u̍ mɛ̍ɛ̍nda᷄ŋndo̍ lɛ̄ŋ na̍nu᷄ŋ, le̍ mbō sāālu̍ŋ bɛ̍ɛ̍ wa᷅na̍ cho̍ mbo̍ nɔ̄ sīnā pɛ̄ŋgo̍o̍, a̍ Mɛ̄lɛ̄ka̍ sōōlūūwo̍ o̍kɔ̄ɔ̄ wo̍.

³ Kɛ̍ ŋ̄wāŋndā chīe̍e̍ kpo̍u̍, ā bīī ma̍ māl nɛ̄ī Mɛ̄lɛ̄ka̍a̍. Nda̍ kpo̍u̍ ā sīmnu᷄ŋ wa̍nāā lāka̍fā. Ō pīlɛ̍ bɛ̍ɛ̍ cho̍ mbō tōsa̍ sūɛ̍i̍ kɛ̍ndɛ̄ le̍, wānā pi᷅lɛ̍ bɛ̍ɛ̍.

⁴ Mɛ̄lɛ̄ka̍ Ya̍a̍wɛ̄ɛ̄ o̍ di̍mi̍ āā, “Bāā wānāā dɛ̍nɛ̍ wɔ̍ɔ̍ŋnda̍ ha̍ā ā si̍nā nyɛ᷅ nda̍ chō tōsāa̍ wo̍ le̍? Wānāa̍ cho̍ ha̍ā nyɛ̄m wānāā nīa̍a̍ dīo̍o̍ a̍ lēdīɔ̄ɔ̄mū mɛ̄ɛ̍ nda̍ dīā nu̍a̍ā nyɛ̄ dīa̍a̍ yɛ̍, ndu̍yɛ̍ ma̍ kɛ̄ɛ̄ le̍ ya̍ Mɛ̍lɛ̄ka̍ Ya̍a̍wɛ̄ɛ̍ sōōlūūwo̍ wa̍, bāā ā nɔ̍ si̍nā pɛ̄ŋgu̍ a̍ nyɛ̄ nda̍ chō tōsāa̍ wo̍ o̍kɔ̄ɔ̄ le̍?”

⁵ Kɛ̍ sīōōŋīī bɛ̄ndūe̍i̍ ī chō hūnɔ̄ɔ̄ wāŋnda̍ ha̍ā bīyɔ̄ɔ̄, kāni̍ fo̍ndōle̍, Mɛ̄lɛ̄ka̍ chō wānāa̍ cho̍ sa̍kpō ndu̍ o̍ hɔ̄l la̍ tɛ̄ɛ̄ŋ.

⁶ Wānāā dɛ̍nɛ̍ wɔ̍ɔ̍ŋnda̍ mā tɛ̄ɛ̄mbu̍u̍ tūūlā wānāā tāmbɛ̍i̍ya̍, kɛ̍ Mɛ̄lɛ̄ka̍ Ya̍a̍wɛ̄ɛ̄ ndu̍ cho̍ wāna̍ ma̍ndā wa̍nāā tāmbɛ̍i̍ya̍ wo̍ ni̍.

⁷ I̍ cho̍ pīɛ̄īle̍ŋ kpe̍e̍kpe̍i̍, le̍ mī wāna̍ pi̍ŋī ni̍ŋ I̍sɔ̄lūɛ̍i̍ yo̍ ō chɛ᷄ŋ Sa̍a̍yɔ̄ŋ. Wānāa̍ fu̍la̍ o̍ pūlāle̍ Che̍kɔ̍pū le̍ŋ chōo̍ wa̍, nda̍ yɔ̍nūŋ ni̍ māā wāŋnda̍ I̍sɔ̄lūɛ̄ī, ā wā ni̍ŋ bɔ̍ɔ̍ a̍ kɔ̄l kɛ̄ndɛ̄, bōōndi̍i̍ Mɛ̄lɛ̄ka̍ Ya̍a̍wɛ̄ɛ̄ o̍ mi̍ŋgī ni̍ŋ nda̍ sūl ndāa̍ o̍ bā ve̍.