THRÜNTAN 10 - AMÜSÜH HÜM CL Bible (BSI)

Noa Tsührü Tsühsoniusobo

¹ Ha Noa tsührübo lünkheyukhean: Shem, Ham, tüsho Japheth. Tüsho keking dunglim arü kilim tsührübo zübejih.

² Japheth tsührübo: Gomer, Magog, Madai, Javan, Tubal, Meshek, tüsho Tiras.

³ Gomer tsührübo: Ashkenaz, Riphath, tüsho Togarma.

⁴ Javan tsührübo: Elisha, Tarshish, Kittim, tüsho Dodanim.

⁵ Harü kheaknü keyean mihtsürübo nihbuh yutha, arü yamkhün ayannü arü trükshih lomibo ching chamkhitde yü.

⁶ Ham tsührübo: Kush, Mizraim, Put tüsho Kanan.

⁷ Kush tsührübo: Sheba, Havila, Sabta, Raama tüsho Sabteka. Raama tsührübo: Sheba tüsho Dedan.

⁸ Kush tsührü Nimrod; api alomi ching amüzhak lakheah.

⁹ Api ju Atungpuh miki amüzhak shihyanrü lakheah; jumonü hade tha, “Atungpuh miki amüzhak shihyanrü Nimrod nangde.”

¹⁰ Tüsho api kiulongthsü atankih Shinar lomi ching Babel, Erek, Akkad tüsho Kalne lakheah.

¹¹ Ju lomi chingnü api Asiria ching yü tüsho Nineve, Rehoboth-Ir, Kala thsü,

¹² tüsho Nineve le Kala dükeak lakhi Resen; ju kiuto ato ah.

¹³ Mizraim tsühsoniusobo ju Ludirü, Anamrü, Lehabrü, Naphturü,

¹⁴ Pathrusirü, Kaslurü (ha kheaknü Filistiarü arü) tüsho Kaphtorrü lakheah.

¹⁵ Kanan tsührü adüjibuh Sidon, tüsho Heth;

¹⁶ Jebusrü, Amorrü, tüsho Girgashrü;

¹⁷ Hivrü, Arkrü, tüsho Sinirü;

¹⁸ Arvadrü, Zemarrü, tüsho Hamathrü. Ju dunglim Kanan yamkhünbo müzüt.

¹⁹ Tüsho Kanan aredungbo ju Sidon chingnü Gerar lim Gaza khiung, tüsho Sodom, Gomorra, Adama tüsho Zeboiim lim, Lasha khiung.

²⁰ Harü ha arü lomibo tüsho trükshihbo ching, arü gukbo tüsho thiyutha ayannü Ham tsührübo lakheah.

²¹ Tüsho Japheth akhiung azopü Eber tsührü alala abuh Shem kilim tsührübo zübejih.

²² Shem tsührübo: Elam, Asshur, Arphaxad, Lud tüsho Aram.

²³ Aram tsührübo: Uz, Hul, Gether tüsho Meshek.

²⁴ Arphaxad ju Shela abuh, tüsho Shela ju Eber abuh lakheah.

²⁵ Eber kilim tsührü 2 zübejih: khülang mung Peleg, tümüde api kim ching alomi chamnak; tüsho püpü mung Joktan.

²⁶ Joktan tsühsoniusobo ju Almodad, Sheleph, Hazarmaveth, Jera,

²⁷ Hadoram, Uzal, Dikla,

²⁸ Obal, Abimael, Sheba,

²⁹ Ophir, Havila, tüsho Jobab. Harü alala Joktan tsührübo lakheah.

³⁰ Tüsho arü lakhi dangpung ju Mesha chingnü aniakhiuklim awung lomi Sephar khiungde alakheah.

³¹ Harü ha arü lomibo tüsho trükshihbo ching, arü gukbo tüsho thiyutha ayannü Shem tsührübo lakheah.

³² Harü ha arü lünkhe yande, arü trükshihbo ching Noa tsührü yamkhünbo lakheah; tüsho keking dunglim harü chingnü trükshihbo alomi ching chamüzüt.