Numeros 2 - Ja yab'al ja Dyosi

Cholan ja snaje ja israelenio jumasa

¹ Ja Dyosi, yal yab' ja Moises sok ja Aaroni:

² —Ja israelenio jumasa, najat t'usan oj stojb'es ja snaje b'a sjoyanal ja snajtsil tsomjeli, b'a jujune oj syam ja sbandera'e sok ja jas oj skolta sb'aje sok ja janek' smoj alijel sb'aje'i.

Ja b'ajtan k'ole'i ja b'a stojol wax jak ja k'ak'u

^3-9 Ja k'ole iti ja oj snoch e' ja bandera b'a slok'ol ja Juda. Sk'ole ja lok'olili ja janek' ja sb'a Judai Nahason ja stat ja Aminadabi 74,600 ja sb'a Isacari Natanael ja stat ja Suari 54,400 ja sb'a Zabuloni Eliab ja stat ja Heloni 57,400 ja' spetsanil 186,400

Sk'ole ja lok'olili ja janek' Ja schab'il k'ole'i ja b'a ko'el k'inali

^10-17 Ja k'ole iti ja oj snoche' ja bandera b'a slok'ol ja Rubeni: ja sb'a Rubeni Elisur ja stat ja Sedeuri 46,500 ja sb'a Simeoni Salumiel ja stat ja Surisadai 59,300 ja sb'a Gadi Eliasaf ja stat ja Reueli 45,650 ja' spetsanil 151,450 —B'a spatik ja ye'nle'i, ti oj wajuk ja yintil jumasa ja Levi, sok ja k'u'uts wax tojb'i sok ja snajtsil tsomjeli.

Ja yoxil k'ole'i ja b'a stojol wax och ja k'ak'u

^18-24 Ja k'ole iti ja oj snoch e' ja bandera b'a slok'ol ja Efraini: ja sb'a Efraini Elisama ja stat ja Amihudi 40,500 ja sb'a Manasesi Gamaliel ja stat ja Pedasuri 32,200 ja sb'a Benjamini Abidan ja stat ja Guidoni 35,400 ja' spetsanil 108,100

Ja schanil k'ole'i ja b'a k'e'el k'inali

^25-31 Ja k'ole iti ja oj snoch e' ja bandera b'a slok'ol ja Dani: ja sb'a Dani Ahiezer ja stat ja Amisadai 62,700 ja sb'a Aseri Paguiel ja stat ja Ocrani 41,500 ja sb'a Neftali Ahira ja stat ja Enani 53,400 ja' spetsanil 157,600

Ja soldado israelenio

³² Ja k'ak'u ch'ak ajtab'axuk ja israelenio jumasa, ja spetsanile'i, aye wake syen oxe mil sok jo'e syen chab' tajb'e lajune soldado (603,550).

³³ Ja Dyosi, yal yab' ja Moises mok lom yajtab'en ja yintil jumasa ja Levi.

³⁴ Ja israelenio jumasa, ch'ak sk'u'uke spetsanil ja jastal alji yab' ja Moises yuj ja Dyosi. B'a jujune ti ajyiye sok ja sbandera'e'i, lajan b'ej yiye' sok ja yuntikile'i, cho jach'ni sok ja k'ole b'a' ye'i.