Daniel 10 - Ja yab'al ja Dyosi

Ja Danieli swaychin anjel jumasa

^1-3 Ja Danieli cho sts'ijb'an jastal iti: Cho waychiniyon jun majke smoj yuj ja jas ojxa ek'. Ja yajni ek' ja iti, ja Ciro oxexa jab'il mandaranum ay ja b'a Persia. Cho jach'ni ja wayich jawi jel wokol b'a oj ab'xuk sb'ej, jayuj ja ke'n kila st'ilanil b'a oj kab' sb'ej, b'ob'ni kuja. —B'a yojol oxe semana jel cham k'ujol ajyiyon. Mi jk'uxu b'ak'et sok mini ku'aj ya'lel ts'usub', sok mini t'un ka och b'aj ti ja jas wax ta'a k'ujoli. Sok mini jun perjume ka och jb'aj.

⁴ Ja b'a yajtab' jun tajb'e chane ja b'a yixawil Abibi, ja ke'n ti ayon b'a sti ja' niwan ja' Tigris.

⁵ Junta ch'ay k'ujol, ay jas kila lajan sok jastal jun winik. Lapan yuj jun sk'u b'a jel tsamal, sok lapan yuj jun sincho b'a toj k'anal tak'in.

⁶ Jas b'ak'tel lajan sok k'u'lub'al sok k'anal kristal, jaxa sati wax lijpi jastal jun tsansewal. Ja sat jumasa lajan sok jastal jun k'ak', jas k'ab' jumasa sok ja yok jumasa wax lijpi ja jastal jun tak'in b'ats'ub'al sok t'un k'anal tak'in, jel tsats xk'umani jas k'umali wax ab'xi ja jastal jel a'ay ja kristyano jumasa. Ye'nani ja anjel Gabrieli.

^7-8 —Ja yajni jwaychin jastal jawi, kechani ke'n waychiniyona, jaxa ma'tik tey jmoki jel xiwye waj snak' sb'aje. A Cho jach' jun xta ja ke'n sak waj ja kelaw yuj ja xiweli, lajan sok wax kab' wax jom jk'ujol.

⁹ —Yalni kab' wa sk'umanon ja anjeli, jom olom mok'yon man lu'um pakan koyon.

¹⁰ Ja'xa anjeli skoltayon b'a oj ya k'ekon, ya ochkon mek'an choj yaman kuj ja lu'umi.

¹¹ Ti yala kab'a: Daniel, tulu ab'aj maklan lek ja jas oj kala wab'i. Ja Dyosi wa syajtaya, ja'yuj sjekawon b'a oj kal awab' ja lo'il iti. —Yaj ni wan lo'il jmok ja anjeli, ja ke'n ti k'eyon tek'ana, jayuj wa'noni k'itk'unela.

^12-14 Jaxa anjeli ti yala kab'a: Daniel, mi lom la xiwi. Ja Dyosi man sb'ajtanil k'ak'u a k'uman smaklan ja jas awala yab'i, ja yajni waxa k'ana oj ja na' jas b'ej ja wa wayichi sok ja yajni ch'in awa'a b'aj b'a sti sat ja ye'n. Ja'yuj ja Dyosi sjekawon b'a oj kal awab' ja we'ni a wila ja jas oj to ek'yuj ja wa chonab'il ja tsa'ani. Ja ke'n oj jakon b'ajtan ajyi, jayuj mi b'ob' jk'uluk, ja'yuj b'a yojol jun tajb'e sok chab' k'ak'u, ja anjel ma ak'ub'al b'a sk'ab' wa stalnan ja b'a wax k'ulaxi mandar b'a Persia mi sk'ana. Kanyonta jtuch'il lajan sok ajyi ja mandaranum jumasa b'a Persia, jayuj jak skoltayon ja Migueli, june ja anjel jumasa jel niwan ja ya'teli b'a jpetsaniltikon.

¹⁵ —Yaj ni wan yaljel kab' ja anjel Gabrieli spetsanil ja iti, ja ke'n mini k'umaniyona kechan wa'non sk'eljel ja lu'umi.

^16-17 Ti cho kila ay ma sje'a sb'aj lajan sok jastal jun winik, ti syamaki jas ts'umil jti'i. Ti kala yab' ja anjel it tey jmoki: Kajwal, ja jas wa'non yiljeli jel wax ya cham jk'ujol sok mi jas kip wax ya'won kani. ¿Jastal oj ja k'an oj k'umuk, jayuj lajan sok mi oj ki ik' tak?

¹⁸ —Ja winik jawi cho syamawon pilan majke, ti ya'ki yajk'achil kipa.

¹⁹ Ti yala kab'a: —Mi lom la xiwi, sok mi lom jas cham ak'ujol yuj. Laman ajyan sok tsatsal k'ujolan ab'aj, ja'yuj ja Dyosi wa syajtaya— —Yaj ni wan yaljel kab' ja jastal iti, ti kab' kumxi ja kipi. Ja'yuj ti kala'a: Kajwal, ja yan oj b'ob' a k'umukon, ja'yuj ay xa yajk'achil kip.

²⁰ —Ja'yuj ja winik jawi ti yala kab'a: Jakyon b'a jak kil'a ja'yuj t'ilan oj tiro'anukon sok ja anjel jaw it ye'n ay b'a stojol b'a wa stalnan ja Persia. Yajnix ch'ak tiro'anukon sok ja ye'n, ti oj jakuk ja anjel b'a oj jak stalnan ja Grecia.

²¹ Ja janek' tiro'ani yon sok ja ye'n, kechan ye'n skoltayon ja Migueli, ja anjel wa skoltan ja Israeli. Jaxa yan oj kal awab' ja jasun wax yala ja ju'un b'a smeranili—.