Números 2 - Biblia Wichi

Õ'kalelhätchehchä lew'etes häp wichi

¹ Lhawuk tahuyej Moisés lhäy'e Aarón wet yok:

² –Is chik Israel lhayis atofweho häp carpa tä owukwe tä lhamel ilunej, iyhäjpej tä lhalepuhfwas tä lhaihutwek wet iti lhamejen m'ak tä yen tetneka lhamejen wichi tä häpe.

³ “Wet wichi tä tälhe letes Judá tä häpe nifwotaj, is chik lhamel itihi lakasthawet häp lhip tä tumej hichä tä ifwala tälhche. Wet elh tä laka niyat häpe Aminadab lhäs tä lhey Nahasón.

⁴ Wet tä õ'lesayen lhamel lheyis, iche setenta y cuatro mil seiscientos (74.600) hin'ol.

⁵ “Wet nifwotaj tä iwhäye lhamel häpe wichi tä tälhe letes Isacar. Wet elh tä laka niyat häpe Suar lhäs tä lhey Natanael.

⁶ Wet tä õ'lesayen lhamel lheyis, iche cincuenta y cuatro mil cuatrocientos (54.400) hin'ol.

⁷ “Wet nifwotaj tä iwhäye lhamel häpe wichi tä tälhe letes Zabulón. Wet elh tä laka niyat häpe Helón lhäs tä lhey Eliab.

⁸ Wet tä õ'lesayen lhamel lheyis, iche cincuenta y siete mil cuatrocientos (57.400) hin'ol.

⁹ “Wet chik mälhyejtso, Judá lhayis kasthawet ihichela tres wichil tä häpehen nifwotas. Wet tä nilhok lhamel, ihichela ciento ochenta y seis mil cuatrocientos (186.400) hin'ol. Wet lhamel ichunlahlä Israel lhayis.

¹⁰ “Wet wichi tä tälhe letes Rubén tä häpe nifwotaj, is chik lhamel itihi lakasthawet häp lhip tä tumej tä tapinhiye. Wet elh tä laka niyat häpe Sedeúr lhäs tä lhey Elisur.

¹¹ Wet tä õ'lesayen lhamel lheyis, iche cuarenta y seis mil quinientos (46.500) hin'ol.

¹² “Wet nifwotaj tä iwhäye lhamel häpe wichi tä tälhe letes Simeón. Wet elh tä laka niyat häpe Surisaday lhäs tä lhey Selumiel.

¹³ Wet tä õ'lesayen lhamel lheyis, iche cincuenta y nueve mil trescientos (59.300) hin'ol.

¹⁴ “Wet nifwotaj tä iwhäye lhamel häpe wichi tä tälhe letes Gad. Wet elh tä laka niyat häpe Reuel lhäs tä lhey Eliasaf.

¹⁵ Wet tä õ'lesayen lhamel lheyis, iche cuarenta y cinco mil seiscientos cincuenta (45.650) hin'ol.

¹⁶ “Wet chik mälhyejtso, Rubén lhayis kasthawet ihichela tres wichil tä häpehen nifwotas. Wet tä nilhok lhamel, ihichela ciento cincuenta y un mil cuatrocientos cincuenta (151.450) hin'ol. Wet lhamel ihänla iyhäj tä ichun.

¹⁷ “Wet Leví lhayis is chik imälheche lhameltso len'äyij chik yikhen. Wet wichi tä tälhe letes Efraín lhäy'e iyhäj tä tälhe letes Dan, is chik imälheche Leví lhayis len'äyij. Tä mälhyejtso, Leví lhayis tä tilhäj t'at carpa tä owukwe, ihi t'at lechowej häp Israel lhayis chik yikhen tä tälhomche cuatro kasthawetes. Wet is chik nilhokej wichil iti lhamejen m'ak tä yen tetneka lhamejen wichi tä häpe.

¹⁸ “Wet wichi tä tälhe letes Efraín tä häpe nifwotaj, is chik lhamel itihi lakasthawet häp lhip tä tumej tä ifwala y'uy. Wet elh tä laka niyat häpe Amihud lhäs tä lhey Elisama.

¹⁹ Wet tä õ'lesayen lhamel lheyis, iche cuarenta mil quinientos (40.500) hin'ol.

²⁰ “Wet nifwotaj tä iwhäye lhamel häpe wichi tä tälhe letes Manasés. Wet elh tä laka niyat häpe Pedasur lhäs tä lhey Gamaliel.

²¹ Wet tä õ'lesayen lhamel lheyis, iche treinta y dos mil doscientos (32.200) hin'ol.

²² “Wet nifwotaj tä iwhäye lhamel häpe wichi tä tälhe letes Benjamín. Wet elh tä laka niyat häpe Gedeoni lhäs tä lhey Abidán.

²³ Wet tä õ'lesayen lhamel lheyis, iche treinta y cinco mil cuatrocientos (35.400) hin'ol.

²⁴ “Wet chik mälhyejtso, Efraín lhayis kasthawet ihichela tres wichil tä häpehen nifwotas. Wet tä nilhok lhamel, ihichela ciento ocho mil cien (108.100) hin'ol. Wet lhamel ihänla Leví lhayis.

²⁵ “Wet wichi tä tälhe letes Dan tä häpe nifwotaj, is chik lhamel itihi lakasthawet häp lhip tä tumej tä tafwojhiye. Wet elh tä laka niyat häpe Amisaday lhäs tä lhey Ahiezer.

²⁶ Wet tä õ'lesayen lhamel lheyis, iche sesenta y dos mil setecientos (62.700) hin'ol.

²⁷ “Wet nifwotaj tä iwhäye lhamel häpe wichi tä tälhe letes Aser. Wet elh tä laka niyat häpe Ocrán lhäs tä lhey Pagiel.

²⁸ Wet tä õ'lesayen lhamel lheyis, iche cuarenta y un mil quinientos (41.500) hin'ol.

²⁹ “Wet nifwotaj tä iwhäye lhamel häpe wichi tä tälhe letes Neftalí. Wet elh tä laka niyat häpe Enán lhäs tä lhey Ahira.

³⁰ Wet tä õ'lesayen lhamel lheyis, iche cincuenta y tres mil cuatrocientos (53.400) hin'ol.

³¹ “Wet chik mälhyejtso, Dan lhayis kasthawet ihichela tres wichil tä häpehen nifwotas. Wet tä nilhok lhamel, ihichela ciento cincuenta y siete mil seiscientos (157.600) hin'ol. Wet lhamel imälhehichela iyhäj len'äyij.”

³² Wet tä õ'lesayen lheyis häp hin'oltso, iyhäjpej tä lhalepuhfwas, iche seiscientos tres mil quinientos cincuenta (603.550) lhamel tä häpe nifwotaj.

³³ Mat mälhyej tä Lhawuk ifwenho Moisés, Leví lhayis tek õhp'ajtej wichi tä õ'wo t'ufwahtesa.

³⁴ Wet Israel lhayis iwoye nilhokej m'ak tä Lhawuk ifwenho Moisés yämthilek lhamel iwoye. Iyhäjpej tä lhaits'ilkat tä lhaihutwek tä iwo lakasthaweta, wet tä yikhenpej lhaip'ajtitwek, lhäy'e leles.