Okhuma 35 - Emakhuwa Bible

Nlamulo na eSaabadu

¹ Moisesi aathukumanyiha muloko wootheene wa aYixrayeli, aneerela: “Itthu Yave oolamulenlaaweni opaka ti iya:

² Ontthuniheriwa ovara muteko wa mahuku mathannamosa, mene nihuku nanaathannameeli nikhaleke nihuku nootteelananyu, eSaabadu ya wiitthuuwa wa Yave. Akhalaru mutthu aneera avare muteko nihuku nno, vekhaikhai iiviweke.

³ Hata muhiiseeleru mooro mmavaatenimwanyu nihuku na eSaabadu.”

Ikaruma sa etabernaakulu

⁴ Moisesi aaheerela muloko wootheene wa aYixrayeli: “Yave olamulenle ha:

⁵ ‘Mumveleelele Yave sa sooreelasanyu. Ootheene yaale eniikhaleno murima woolikaneene eruuhe yoomvaha Yave sooveleela sa eyuuma yoorikaxa, eparatha*” ni ebronze*;

⁶ ikuwo sooxeera, sa kanka ni sookankela, ikuwo sootteettheya, mapururu a ipuri;

⁷ ixapala sa amaankhoro sooningiwa moota wooxeera, ixapala soohukhiwa;

⁸ makhura a sooliveira* oomwaleelela, itthu sooreerela sintakansiwano makhura oottikitthelano ni erubani* yoowunkhelaxa;

⁹ ni onikisi* ni maluku makina oowaaraxa weera ettottheleliwe vamooxikoottini a esaserdoti ni ya vakakasani.

¹⁰ Ootheene ooweraxa variyariwanyu eweeke ni epakeke sootheene Yave olamulenlaawe:

¹¹ Etabernaakulu* ni Eheemaaya ni yookhuneeleliwaaya, ivarelelosaya, acikhaaya, mikoombasaya, amarimbwaaya ni nyettosaya;

¹² Arka* ni ikoposaya, yookhuneelano ya Wiiraana ni eluttu enkuttelela;

¹³ meesa ni ikoposaya ni ikarumasaya sootheene, ni epaawu ya Okhala*;

¹⁴ onyaari woomwaleelano ni ikarumasaya, mithuko ni makhura oomwaleelano;

¹⁵ altaari* a erubani* ni ikoposaya, makhura oottikitthelano ni erubani* yoowunkhelaxa; eluttu yookuttelelano mulako wa etabernaakulu;

¹⁶ altaari* a sooveleela soohisa ni nivalinaya na ebronze*, ikoposaya ni ikarumasaya sootheene; ebasiya ya ebronze* ni mweettwaaya;

¹⁷ iluttu sa omokoni wa nipuwa ni amarimbwaaya ni nyettosaya ni eluttu ya vamulako wa nipuwa;

¹⁸ mikuro sa etabernaakulu* ni sa nipuwa ni mikhoyisaya;

¹⁹ soowara simvareliwa muteko aarumeelaka vaNipuroni Nootteela* – soowara sootteela sa musaserdoti* Aharoni ni sa anamwanaawe asilopwana awo yaarumeelaka ntoko asaserdoti*.”

Sooveleela sa etabernaakulu*

²⁰ Vahoolowaya muthukumano wootheene wa aYixrayeli waavenya aaraawewo Moisesi.

²¹ Ootheene yaari oolikaneene, enyesereriheliwaka ni mirimasaya, yaamuruuhela Yave sooveleela sa muteko wa Eheema ya Muthukumano*, wa mitekosaya sootheene ni wa soowara sootteela.

²² Ootheene yiivaherenre, okhuma alopwana mpaka athiyana, yaaruuhela iyuuma soorikaxa soohiyanahiyana ntoko iyuuma sa laamba, axiveeve, annela ni ipangiiri. Ootheene yaale yaahoonihera iyuumasaya soorikaxa ntoko sooveleela soowiinainihiwa wa Yave.

²³ Ootheene yaarino ikuwo sooxeera, sa kanka ni sookakela, ikuwo sootteettheya, mapururu a ipuri; ixapala sa amaankhoro sooningiwa yooxeera hoye hoye ixapala soohukhiwa, yaaruuha.

²⁴ Yaawo yoonihenre sooveleela sa eparatha* hoye hoye ebronze* yaaruuha ntoko sooveleela wa Yave ni ootheene yaarino itthaabwa sa mwiri wa akaasiya* weera sivareliwe wakhalaru muteko yaaruuhatho.

²⁵ Asithiyana ootheene yaawera, yaatthava ni matataawe, enaruuha yeeyo yaatthamvaaya – ikuwo sooxeera, sa kanka ni sookankela ni nliinya nootteettheya.

²⁶ Asithiyana ootheene yaatthuna ni yaawera yaatthava mapururu a ipuri.

²⁷ Ahooleli yaaruuha onikisi* ni maluku makina oowaaraxa weera ettottheleliwe vamooxikoottini a esaserdoti ni ya vakakasani,

²⁸ itthu sooreerela ni makhura a sooliveira* oomwaleelano, makhura oottikitthelano ni a erubani* yoowunkhelaxa.

²⁹ aYixrayeli asilopwana ni asithiyana ootheene yaatthuna yaamuruuhela Yave sooveleela ni otthunawaya wa miteko sootheene Yave aalamulenlaawe opaka mwa Moisesi.

Bezaleli ni Oholiyabi

³⁰ Vano Moisesi aaweerela aYixrayeli: “Moone, Yave oomuthanla Bezaleli, mwaana a Uri, mwaana a Huri a epuumba ya Yuda,

³¹ anamusariha Munepa wa Muluku amvahaka miruku, wiiwexexa, osuwela ni akhili a miteko.

³² Aamvaha akhili awo weera acaambule akwaniheraka iyo avarelaka muteko eyuuma yoorikaxa, eparatha* ni ebronze*,

³³ ni weera aattule maluku attotthelaka, nitho weera avarele muteko itthaabwa wa sakhalaru miteko sa ettottho.

³⁴ Aamvahatho yoowo vamoha ni Oholiyabi, mwaana a Ahisamaki a epuumba ya Dani, moota woowaaxuttiha akina.

³⁵ Aahaasariha ootheenaawo owera miteko soohiyanahiyana ntoko anamaratta, anamasomela miteko, anamaxora a nliinya nootteettheya ni ikuwo sa kanka, sookankela ni sooxeera ni ntoko anamatthava. Awo yaangwerasa osomela ni opaka wakhalaru muteko wa oratti.