Okhuma 20 - Emakhuwa Bible

Malamulo muloko

¹ Vano Muluku aahuuluma masu ootheene ala:

² “Miyo ti Yave Mulukwaanyu, mwa Yoowo ookhumihaleni wExipitu, elapo ya okaporo.

³ Muhikhalane miluku sikina okihiya Miyo.

⁴ Muhiipakele ecaambulo ya miluku sikina mulikanxeraka yakhalaru etthu eri wiirimu hoye hoye vathi, naari mmaahini.

⁵ Muhikokhorele seiyo naari muhilape, niwoko Miyo, Yave Mulukwaanyu, ti Muluku a ehace. Miyo kinaattaruxa anamwane niwoko na soottheka sa asitithaya mpaka ekhapira yanaararu ni yanaaxexe ya yaawo ankithanya.

⁶ Vaheera kinaakosoopa ni onnene wa mahuku ootheene yaawo ankisivela ni aneettela malamulowaaka.

⁷ Muhinyemule Nsina na Yave Mulukwaanyu niwoko vekhaikhai Yave onimuttaruxa yoowo onnyemula Nsinanawe.

⁸ Muupuwelele nihuku na eSaabadu mutteelihaka.

⁹ Mahuku mathannamosa a khula esimana mvareke mitekosanyu sootheene,

¹⁰ mene nihuku nanaathannameeli ti eSaabadu ya Yave Mulukwaanyu. Nihuku nno muhivareru muteko nyuwo, hata anamwaniinyu asilopwana naari asithiyana, hata arumeiyaanyu asilopwana hoye hoye asithiyana, naari axinamaanyu, hata anamarwa ankhala musidadenimwanyu.

¹¹ Vano wa mahuku mathannamosa Yave aapattuxa erimu ni vathi, ephareiya ni sootheene siri mwemmo, mene nihuku nanaathannameeli aahiitthuuwa. Tivawo Yave oreelinghaawe nihuku nanaathannameeli atteelihaka.

¹² Mwaattiitiimihe atithinyu ni amayinyu weera woorakameleni okumi mweelaponi Yave Mulukwaanyu onoovahaaweni.

¹³ Muhiive.

¹⁴ Muhiraruwe.

¹⁵ Muhiiye.

¹⁶ Muhikhale namoona oowootha a mukhwiinyu.

¹⁷ Muhiinlele vaate wa mukhwiinyu. Muhimwiinlele mwaara a mukhwiinyu, naari epottha elopwana hoye hoye ethiyana, naari emombaawe, hata buurwaawe, naari sakhalaru itthu sikina sa mukhwiinyu.

¹⁸ Atthu yoonaka etari, overinya ni mwaako wookhuneeliwa ni mwiixi, ni yiiwaka oruma wa nipalapatta, yaatuthuwa, enathukumela. Yaarakamela,

¹⁹ emweerelaka Moisesi: “Nyeenyuweene muulume ni hiyo ni nnimwiiwa. Muluku ahuulume ni hiyo weera nihikhwe.”

²⁰ Moisesi aaweerela atthu: “Muhoove. Muluku orweenle owootani murima weera woopiha wa Muluku okhale ni nyuwo owooceelihakani ottheka.”

²¹ Atthu yaari erakamelelo, mene Moisesi aahaattamela nihutte nooripihana aaraawemo Muluku.

Ekano mwaha wa altaari* a Yave

²² Vano Yave aamweerela Moisesi: “Mwaaleele aYixrayeli: ‘Nyuwo mohiixoonela weera Miyo kohuuluma ni nyuwo wiirimu.

²³ Muhipake miluku sa eparatha* naari eyuuma yoorikaxa weera mukilikanxerele.

²⁴ Mwakitekele altaari* a etthaya ni mwa yaawo mukipakeleno sooveleela soohisa ni sa murettele, eyo tiiyo ikhondoolosanyu ni imombesanyu. Weiwo kineeraka kitthunihere ovuwihiwa Nsinanaka, kinimoorweelani ni kinimooreelihani.

²⁵ Mwakitekela altaari* a maluku, muhaateke ni maluku ooraatteliwa, niwoko ni ikaruma munimwaahiiriha altaari*.

²⁶ Muhaawele ni ixikada altaaraaka* weera etiriyaanyu ehooneye.’”