Marku 2 - Emakhuwa Bible

Yeesu onimulamiha mutthu ooheetta

¹ Vahoolo wa mahuku vakhaani, areene veeli Yeesu oKafaranawu, atthu yaahiiwa wuulummwaka weera Owo aari owaani.

² Vano atthu ancipale yaathukumana weiwe, moota wooweera khanaariwo nipuro, hata vaate wa vamulako, ni Owo aalaleera masu.

³ Yaahoowa atthu akina, engwiiheraka mutthu ooheetta ateexiweene ni asilopwana axexe.

⁴ Ehiweraka omuphiyera Yeesu niwoko na atthu ancipale, awo yaathamula mpatta wa nipatho na nipuro Yeesu aaraawe. Yaakuruxa nrepa aataleliwaawe mutthu ooheetta, evirihaka vanlakani nne yaapankaaya vanipathoni.

⁵ Oonaka nroromelonaya, Yeesu aamweerela mutthu ooheetta: “Mwaana, sootthekasanyu sooleveleliwa.”

⁶ Yaakilaathi weiwe anamawera a nlamulo* akina, yuupuwelaka mmurimanimwaya moota ola:

⁷ “Heeni Mulopwana Ola onuulumaawe hiiho? Owo onimveiha Muluku. Taani ongwera olevelela soottheka, ahikhanle Muluku paahi?”

⁸ Woowaakuveya Yeesu aasuwela mmunepanimwawe weera awo yuupuwela yeeyo, ni aaweerela: “Heeni nyuwo munaapaanyu itthu iya mmurimanimwanyu?

⁹ Yookhweya eheeni omweerela mutthu ooheetta: ‘Sootthekasanyu sooleveleliwa,’ hoye hoye ‘Muvenye, mukuxe nrepananyu ni mweette’?

¹⁰ Vano weera musuwele weera Mwaana a mutthu ookhalano mweelaponimu ikuru weera alevelele soottheka....” Yeesu aamweerela mutthu ooheetta:

¹¹ “Miyo kinooleelani: muvenye, mukuxe nrepananyu ni murowe owaani.”

¹² Owo aavenya, aakuxa nrepa ni aakhuma ooniwaka ni atthu ootheene. Ootheene yaatikhinaxa ni yaamvuwiha Muluku yeeraka: “Khaninatoko woona etthu ntoko yeela!”

Wiitthaniwa wa Leevi

¹³ Yeesu aavenyatho mpaka mukerekhere wa ephareiya. Atthu ancipale yaamwaattamela, ni Owo aapacera waaxuttiha.

¹⁴ Aviraka weiwe, aamoona Leevi, mwaana a Alfeyu, akilaantheene vanipuroni naalivihiwa musoko, ni aamweerela: “Mukitthare!” Leevi aaheemela anamutthara.

¹⁵ Acaaka Yeesu ni oohuseraawe vaate wa Leevi, yeera ecaakatho anamaliviha a musoko ni anamattheka ancipale, niwoko yaari ancipale yaamutthara.

¹⁶ Anamawera a nlamulo* yaari aFarisi* emoonaka Yeesu acaaka ni anamattheka ni anamaliviha a musoko, yaahaakoha oohuseraawe: “Heeni Ola oncaawe ni anamaliviha a musoko ni anamattheka?”

¹⁷ Iiwaka yeeyo, Yeesu aaweerela: “Khaahiyono yaale ari ni okumi animuhaawela meediku, mene aani aretta. Miyo nkaaweenle owiitthana oororomeleya, mene anamattheka.”

Yeesu onkohakohiwa mwaha wa otthuka

¹⁸ Oohusera a Yohaane ni aFarisi* yeera etthukaka. Atthu akina yaahoowa wa Yeesu ni yaamukoha: “Heeni oohusera a Yohaane ni a aFarisi* antthukaaya, mene yaawo awinyu hoye?”

¹⁹ Yeesu aawaakhula: “Khoongwereya otthuka oolattuliwa a namatthomera owo areene ni yaawo. Khoongwereya owo nlelo areene ni yaawo.

²⁰ Vano eniikhale mahuku namatthomera aneeraawe avenxiwe wa yaawo, ni ehuhu eyo awo eniitthuke.

²¹ Khaawo onghela nipareyo nnyowani vakuwoni ya khalayi, niwoko nipareyo ninrowa otepiha waahuwa wa ekuwo.

²² Ni khaawo onghela eviinyu enyowani munrupani wa exapala wa khalayi. Ahela, eviinyu enoophula murupa wa exapala, ni hiiho eviinyu nitho murupa sinoonanariheya. Ohiyanawaya, onghela eviinyu enyowani munrupani munyowani.”

Apwiya a eSaabadu

²³ eSaabadu emoha, Yeesu eera alapuwaka imatta sa etrigu. Yeettaka hiihaale, oohuseraawe yaapacera ovurula makala.

²⁴ aFarisi* yaamukoha: “Moone, heeni awo ampakaaya yeeyo ehintthuniheriwa eSaabadu?”

²⁵ Owo aawaakhula: “Khamusomme yeele Davide aapankaawe ehuhuweene yeele owo ni asikhwaawe yaahaawaaya, ereene ni etala?

²⁶ Mmahukuni a Abiyatari, mutokweenexa a asaserdoti*, owo aavolowa Mpaani mwa Muluku ni aahooca ipaawu sootteelihiwa, saatthuniheriwa paahi ociwa ni asaserdoti*, ni aahaavahatho asikhwaawe.”

²⁷ Vano Yeesu aaweerelatho: “eSaabadu epakeliwe atthu, ehikhanle atthu wa eSaabadu.

²⁸ Tivawo Mwaana a mutthu ti Apwiya mpaka a eSaabadu.”