กีรา 2 - ซูรัจ ปือมือเลา นะ ตูฮัดนะ ตืองะ โกะ รูมัฮ บือปรัก กะฮามี_ นะ ตรือเบะ บือฌาลัด กะฮามี 1 ตูฮัด บือซัยํ เดะ อาตัซ_ มือเลา กะ มูซา ฌางัน อาโรน_ จะ_ 2 “บรี ลูมอฮ อิซราเอน ตืองะ รูมัฮ บราดู บือปรัก_ ซิกมาซิก_ บรี ดูโดะ ตูโรจ กะ ฆือนีรา นะ กูญา. ราตา อูรัก ตูโรจ ฆือนีรา มือกรา ซือรูมัฮ นะ ญา. บรี ตืองะ รูมัฮ ซาเราะ บราดู บือปรัก_ อาเลฮ มูคา ปี กะ ฮือลด รูมัฮ ซาเราะ บือฌาญี บือดาปัจ_ ราตา บือลัฮ. 3 ลูมอฮ นู ตืองะ รูมัฮ ซาเราะ บราดู บือปรัก_ โซะ ตีมอยํ_ รือมัก มาตา อารี ญาแญะ_ บรี ฌาดี ตือปัจ นะ ฆือนีรา รูมัฮ บือปรัก นะ ยูดา_ ตูโรจ กะ ปาลัฮ นะ กูญา. นาโชน_ นานะ นะ อัมมีนาดับ_ ฌาดี กือปาลา นะ ลูมอฮ ยูดา. 4 โกะ ลูมอฮ ตาฮัน นู กีรา อีนี_ อาดา ตูโฌฮ ละซา ปัจ รีบู นัม ราตุซ (74,600) อูรัก. 5 บรี กะ ปาลัฮ อีซาคา_ ตืองะ รูมัฮ บือปรัก บือฌูรัย มาแรฮ. เนทันเอน_ นานะ นะ ซูอาระ_ ฌาดี กือปาลา นะ ลูมอฮ อีซาคา. 6 โกะ ลูมอฮ ตาฮัน นู กีรา อีนี_ อาดา ลีมา ละซา ปัจ รีบู ปัจ ราตุซ (54,400) อูรัก. 7 บรี กะ ปาลัฮ เซบูลุน_ บือฌูรัย ลือปัซ เดะ กูญา ปูลัก. เอลียับ_ นานะ นะ เฮโลน_ ฌาดี กือปาลา นะ ลูมอฮ เซบูลุน. 8 โกะ ลูมอฮ ตาฮัน นู กีรา อีนี_ อาดา ลีมา ละซา ตูโฌฮ รีบู ปัจ ราตุซ (57,400) อูรัก. 9 กีรา บักซา ซือมูฮา_ นู มาโซะ เดะ รูมัฮ บือปรัก นะ ยูดา_ ตูโรจ กะ ปาลัฮ นะ กูญา_ ฌาดี ซืออูรัจ ลาปัด ละซา นัม รีบู ปัจ ราตุซ (186,400) อูรัก. กาลา บือฌาลัด ตรือเบะ ปี_ โกะ ลูมอฮ อีนี นะ บือฌาลัด ปี ดูลู. 10 บรี ฆือนีรา รูมัฮ บือปรัก นะ รูเบน_ ตืองะ โซะ บารัจ ดายา_ ตูโรจ กะ กาวัด ตาฮัน นะ กูญา. เอลีซู_ นานะ นะ เชเดเออ_ ฌาดี กือปาลา นะ ลูมอฮ ปาลัฮ รูเบน. 11 โกะ ตาฮัน นู กีรา อีนี_ อาดา ปัจ ละซา นัม รีบู ลีมา ราตุซ (46,500) อูรัก. 12 บรี กะ ปาลัฮ นะ ซีเมโอน_ ตืองะ บือฌูรัย ลือปัซ มาแรฮ. เชลูมีเอน_ นานะ นะ ซูรีชัดดัย_ ฌาดี กือปาลา นะ ลูมอฮ ปาลัฮ ซีเมโอน. 13 โกะ ลูมอฮ ตาฮัน นู กีรา อีนี_ อาดา ลีมา ละซา ซือมีลัด รีบู ตีฆา ราตุซ (59,300) อูรัก. 14 บรี กะ ปาลัฮ กาด_ ตืองะ บือฌูรัย_ ลือปัซ เดะ กูญา อีนี มาแรฮ. เอลียาซับ_ นานะ นะ เรอูเอน_ ฌาดี กือปาลา ปาลัฮ นะ กาด. 15 โกะ ลูมอฮ ตาฮัน นู กีรา อีนี_ อาดา ปัจ ละซา ลีมา รีบู นัม ราตุซ ลีมา ปูโลฮ (45,650) อูรัก. 16 โกะ ซือมียา ซือมูฮา นู กีรา มาโซะ เดะ รูมัฮ บือปรัก นะ รูเบน_ ตูโรจ กะ ปาลัฮ นะ กูญา_ ฌาดี ซืออูรัจ ลีมา ละซา ซือรีบู ปัจ ราตุซ ลีมา ปูโลฮ (151,450) อูรัก. 17 “กะฆีเตอ_ กือนา อาเกะ รูมัฮ ซาเราะ บือฌาญี บือดาปัจ_ บือฌาลัด ตูโรจ ปี. บรี กะ ปาลัฮ นะ ลูมอฮ เลวี_ ดูโดะ เดะ ตืองัฮ ปาลัฮ. นู กูญา ตืองะ โกะ รูมัฮ ซาเราะ บราดู บือปรัก กะฮามี_ บรี กูญา ตรือเบะ ปี บือฌาลัด กะฆีเตอ_ ตูโรจ กะ ฆือนีรา ปาลัฮ นะ กูญา. 18 บรี ฆือนีรา รูมัฮ บือปรัก นะ เอฟราอิม_ ตืองะ โซะ บารัจ_ ตูโรจ กะ โกะ กาวัด ตาฮัน นะ ญา. เอลีชามา_ นานะ นะ อัมมีฮูด_ ฌาดี กือปาลา นะ ลูมอฮ ปาลัฮ เอฟราอิม. 19 โกะ ตาฮัน นู กีรา อีนี_ อาดา ปัจ ละซา ลีมา ราตุซ (40,500) อูรัก. 20 บรี กะ ลูมอฮ ปาลัฮ มานาเซฮ_ ตืองะ บือฌูรัย ลือปัซ มาแรฮ. กามาลีเอน_ นานะ นะ เปดาชู_ ฌาดี กือปาลา ปาลัฮ มานาเซฮ. 21 โกะ ตาฮัน นู กีรา อีนี_ อาดา ตีฆา ละซา ดูวา รีบู ดูวา ราตุซ (32,200) อูรัก. 22 บรี กะ ปาลัฮ เบนยามิน_ ตืองะ บือฌูรัย_ ลือปัซ เดะ กูญา อีนี. อาบีดัน_ นานะ นะ กิเดโอนี_ ฌาดี กือปาลา นะ ปาลัฮ เบนยามิน. 23 โกะ ลูมอฮ ตาฮัน นู กีรา อีนี_ อาดา ตีฆา ละซา ลีมา รีบู ปัจ ราตุซ (35,400) อูรัก. 24 โกะ ซือมียา ซือมูฮา นู กีรา มาโซะ เดะ รูมัฮ บือปรัก เอฟราอิม_ ตูโรจ กะ ปาลัฮ นะ กูญา_ ฌาดี ซืออูรัจ ลาปัด รีบู ซือราตุซ (108,100) อูรัก. กาลา บือฌาลัด ตรือเบะ_ โกะ ซือมียา อีนี นะ ฌาดี ลูมอฮ ปาลัฮ นู ตีฆา. 25 บรี กะ ฆือนีรา รูมัฮ บือปรัก นะ ดาน_ ตืองะ โซะ ตารา_ ตูโรจ กะ กาวัด ตาฮัน นะ กูญา. อาฮิเยเซอ_ นานะ นะ อัมมีชัดดัย_ ฌาดี กือปาลา นะ ปาลัฮ ดาน. 26 โกะ ตาฮัน นู กีรา อีนี_ อาดา นัม ละซา ดูวา รีบู ตูโฌฮ ราตุซ (62,700) อูรัก. 27 บรี กะ ปาลัฮ อาเซอ_ ตืองะ บือฌูรัย ลือปัซ มาแรฮ. ปากีเอน_ นานะ นะ โอคราน_ ฌาดี กือปาลา นะ ปาลัฮ อาเซอ. 28 โกะ ลูมอฮ ตาฮัน นู กีรา อีนี_ อาดา ปัจ ละซา ซือรีบู ลีมา ราตุซ (41,500) อูรัก. 29 บรี กะ ปาลัฮ นับทาลี_ ตืองะ บือฌูรัย ลือปัซ เดะ กูญา อีนี. อาฮีรา_ นานะ นะ เอนัน_ ฌาดี กือปาลา ปาลัฮ นับทาลี. 30 โกะ ตาฮัน นู กีรา อีนี_ อาดา ลีมา ละซา ตีฆา รีบู ปัจ ราตุซ (53,400) อูรัก. 31 โกะ ซือมียา ซือมูฮา_ นู กีรา มาโซะ เดะ รูมัฮ บือปรัก นะ ดาน_ ฌาดี ซืออูรัจ ลีมา ละซา ตูโฌฮ รีบู นัม ราตุซ (157,600) อูรัก. กาลา โกะ ซือมียา อีนี บือฌาลัด ตรือเบะ_ กูญา นะ ฌาดี ลูมอฮ ปาลัฮ ปือญูดัฮ_ นู บือฌาลัด_ ตูโรจ กะ ฆือนีรา ปาลัฮ นะ กูญา.” 32 โกะ ลูมอฮ อีนี_ ฌาดี บักซา อิซราเอน_ นู กีรา ตูโรจ กะ ซือมูฮา เดะ รูมัฮ นะ กูญา. นู อาดา ดูโดะ เดะ รูมัฮ บราดู บือปรัก_ กีรา ตูโรจ กะ กาวัด ตาฮัน_ อาดา นัม อูรัจ ตีฆา รีบู ลีมา ราตุซ ลีมา ปูโลฮ (603,550) อูรัก. 33 ตาปี เตด กีรา ลูมอฮ เลวี_ มาโซะ ซือกาลี ฌางัน ลูมอฮ อิซราเอน_ ตูโรจ บือกะ นู ตูฮัด บือซัยํ เดะ อาตัซ บือเลฮ ปือซัด กะ มูซา. 34 โกะ ลูมอฮ อิซราเอน โปด_ บูวัจ ตูโรจ กะฆีเตอ. กูญา ตืองะ รูมัฮ บราดู บือปรัก_ ตูโรจ บือกะ ฆือนีรา. กูญา บือฌาลัด ตรือเบะ ปี_ ราตา โกะ ซือมียา เดะ รูมัฮ นะ กูญา_ ตูโรจ กะ บือแนฮ นะ กูญา_ บือกะ นู ตูฮัด บือซัยํ เดะ อาตัซ บือเลฮ ซูโรฮ มูซา ดัฮ_ ราตา ฌือแนฮ. |