โยนา 2 - ซูรัจ ปือมือเลา นะ ตูฮัดโยนา บรี ซือลามัจ กะ ตูฮัด 1 กะฆีเตอ โยนา บือซาโวจ กะ ตูฮัด บือซัยํ เดะ อาตัซ_ ตูฮัด นะ ญา_ เดะ ดาลับ โปรจ นะ อีกัด อีตู_ 2 จะ_ “เดะ วะตู อีนี กู ซูซัฮ ปายัฮ_ กู บือซูระ มีตา ตูโลก เดะ ตูฮัด บือซัยํ เดะ อาตัซ ญา โปด_ ตีกัฮ กะ กู ดัฮ กู บือซูระ มีตา ตูโลก ดาตัก เดะ โปรจ นะ นังฆรี ฮาตู ตูฮัด เออ_ เกา มือนีงัย กะ ซือวารา นะ กู ดัฮ. 3 ซาเบะ ตูฮัด ตูโฮะ กู ปี_ กะ ตือปัจ นู ดาลับ เดะ ลาโวจ อาเย โปด อาโปฮ กือลีลิก กู โกะ อูมะ บือซัยํ ฌางัน อูมะ มิดือมิ โปด อาโปฮ กู ดัฮ. 4 กู มือเลา จะ_ ‘กู กือนา โปรฮ ดัฮ บรี ลือปัซ เดะ มูคา นะ เกา กู นะ ลางอฮ ปาลา ตีญุง ลีฮัจ รูมัฮ นู จรัฮ บาฌิ นะ ตูฮัด บือเลฮ กะฮามี ปูลัก?’ 5 โกะ อาเย อาโปฮ ญาวา นะ กู ฮาบิฮ อารอก นู ดาลับ โปด_ กือลีลิก กู ดัฮ อากัยํ บาฮัย เดะ ลาโวจ ญา บือเละ ปาลา นะ กู ฌูฆา 6 เดะ ฌากัยํ นะ บูเกะ ซือมูฮา. กู ตูโรด ปี กะ นังฆรี อีตู นู นะ กือตัก กู ปี ซือลาลู ตาปี กะฮามี โปด บาฌิ_ โอ_ ตูฮัด บือซัยํ เดะ อาตัซ_ ตูฮัด นะ กู เกา เลอ นู บาวา กู ญาแญะ มาแรฮ ดาตัก เดะ ลูบัก ซือมียา มาตี. 7 กาลา ญาวา นะ กู รือมัย_ ฆามะ นะ มาตี กู อาดา บรีงัจ รอจ กะ ตูฮัด บือซัยํ เดะ อาตัซ. ปือมือเลา บือซาโวจ นะ กู โปด_ มาแรฮ รอจ กะ กู ดัฮ รอจ กะ รูมัฮ มือญือมัฮ นู จรัฮ บาฌิ นะ เกา เลอ. 8 โกะ ซือมียา นู ตูเฮะ กะ โกะ บราลา นู เตด ฌาดี นามา เตอ กูญา ตีงัน ลาฆู ซายัก นู กือฌะ กือมัซ นะ กูญา ดัฮ. 9 ตาปี กู นะ อาเกะ บือนาตัก มือญือมัฮ กะ เกา มารือมา ฌางัน ซือวารา มือโอจ บรี ซือลามัจ กะ เกา กู นะ ปลือปัซ นียัจ นะ กู เลอ ลาฆู นะ ตูโลก บรี ลือปัซ เตอ ฌาดี นะ ตูฮัด บือซัยํ เดะ อาตัซ เลอ.” 10 กะฆีเตอ ตูฮัด บือซัยํ เดะ อาตัซ ญา มือเลา ฌางัน อีกัด อีตู. อีกัด โปด_ มูตัฮ ตรือเบะ โยนา ดัฮ_ เดะ ตานัฮ ตูโฮยํ. |