OSE 3 - Tupuri Bible

Wããre lamge

¹ Manwur kal wii mege ga : See tigriŋ wo da wãy maga go de da nday, de ma joŋ figliw doo maga Manwur da jar Israyel wo nono. Ama ma ɓaaran mokay no, á ngiɗ wo nen diŋ see baa ma tigriŋ wo, maga da wo joŋ gato de leʼge tlalum mono.

² Ndi hay da wãy ɓin le de solay boo hwal ti dwee, day de coore Orje nen maŋ kelew kiskis naa ti ɓe doo dwee.

³ Day ndi hay wiin ga : Hay de ɓi wolaŋ, ɓoʼ see ɓo joŋ figliw wa, ne jobo ma tigriŋ, day ndi joŋ ge yaŋ see ɓo doosen no lay no.

⁴ Werga jar Israyel lag ge wo yaŋ hãã wolaŋ bay waŋ, bay je wãã wããre ɓaara, bay siigi jage, bay húulì ma de jagge ti kẽẽ, bay efode, bay terafẽẽ.

⁵ Blam sen mokay no, jar Israyel fer ge wo yaŋ le. Á kiɗ gi wo Manwuri, Baa ɓaaran ge yaŋ, wo de Dafid waŋ ɓaara no. Day á daɗ ge wo yaŋ de maga á yaʼ wo ɓiŋ Manwuri, ɓiŋ de el ɓen ti ngel maga see ge wo wo mono.