JERMI 47 - Tupuri Bible

Wããre ti jar Filistẽẽ wo

¹ Mokay diŋ wããre maga à wããn ne Jermi ti jar Filistẽẽ wo taŋgu maga Farawoŋ bay ɓum ɓi leege Gasa ɗa mono.

² Manwur wãã ga : Ko we bii le de maŋge le nen ɓaŋ gloŋhwede, á kol wo go doo pyew maga far ngel go nono. A maŋ go ne sirn ti de fẽẽre ma ɓil ɓen wo ɓuy, go ne ɓi leegen wo de jar ma ɓil ɓaaran wo ti. Jar tabayn ra wo, hrag wo war

³ doo samge ɓaale piiri ɓe ma de egre maga car wo gesiŋ mono, doo samge pus durgi ɓen wo de roo ɓaale pus durgin wo. Pããrebe wii wo wer ne weere wo gà so wer maga doo ɓaara hrag ra go mono.

⁴ Werga, wur ma frum sir Filistẽẽ go ɓuy le de age, diŋ wur caa wer jar maga hay wo de hã see ɓaara kay ɓi leege Tir wo de Sidoŋ wo ɗa mono. Manwur go de ɓlag sir jar Filistẽẽ wo go de jar maga gwaʼ wo ti kaali ma Kaftorn mono.

⁵ Gasa gwaʼ go bay riŋ ti, Askaloŋ ham jag go gesiŋ, te jar maga gwaʼ wo ti ful ɓaaran wo mo lay. Ndo klir gi see ɓo nà hãã wo hunla?

⁶ Hih moslam mani Manwur no! Ndo baa ge see ɓo nà hun mo la? Fer ɓil fra ɓo no, fer go baʼa, ham mbo jag so.

⁷ Joŋge joŋge ga á fer ge baʼ la? Manwur de riŋgi ɓe ga á mo raw wo nen Askaloŋ, wo nen jag maarog no! Á wo de kaŋ ti ɓe wo nà nen ni.