ಫಿಲಿಪ್ಪಿಯೆರೆಗ್ INTRO1 - ಪೊಸ ಒಡಂಬಡಿಕೆಪುಸ್ತಕದ ಪೊಲಬು ಪೌಲು ಫಿಲಿಪ್ಪಿಯೆರೆಗ್ ಯುರೋಪುಡು ರೋಮಾಯೆರೆ ಆಡಳಿತೆ ಮೆಕೆದೋನ್ಯ ಪ್ರಾಂತೊಡು ಸ್ಥಾಪನೆ ಮಲ್ತಿ ಸುರುತ್ತ ಸಭೆಕ್ ಬರೆತಿ ಪತ್ರಿಕೆ ಆದುಂಡು. ಪೌಲು ಸೆರೆಮನೆಟ್ ಇತ್ತಿನಪಗ ಈ ಪತ್ರಿಕೆನ್ ಬೇತೆ ಕ್ರೈಸ್ತ ಸೇವಕೆರೆ ಉಪದ್ರದ ನಡುಟು ಅತ್ತಂದೆ ಫಿಲಿಪ್ಪಿ ಸಭೆಟ್ ಇತ್ತಿ ಅಪಬೋಧನೆಡ್ದ್ ಬೇಜಾರಾದ್ ಬರೆತಿನವು ಆದುಂಡು. ಪೌಲುಗು ಕ್ರಿಸ್ತಡ್ ತಿಕ್ಕುದುಪ್ಪು ನಂಬಿಕೆ ಈ ಪತ್ರಿಕೆಡ್ದ್ ಸಂತೋಷ ಬೊಕ್ಕ ಭರವಸೊನು ಪುಟ್ಟಾವುಂಡು. ಆಯಗ್ ಅಗತ್ಯ ಉಪ್ಪುನಪಗ ಫಿಲಿಪ್ಪಿ ಸಭೆತ ಕ್ರೈಸ್ತೆರ್ ಕಡಪುಡ್ದು ಕೊರಿನ ಸಹಾಯೊಗ್ಲಾ ಉಪಕಾರ ಪನಿಯೆರೆಗಾದ್‌ ಈ ಪತ್ರಿಕೆ ಬರೆಯೆ. ಪೌಲನ ಬೊಕ್ಕ ಅಕ್ಲೆನ ಸಂಕಷ್ಟದ ಮದ್ಯೊಡ್ಲಾ ಅಕುಲು ದೃಢತೆ ಬೊಕ್ಕ ನಂಬಿಕೆ ಕಳೆವೊನ್ರೆ ಬಲ್ಲಿ ಅಂದ್‌ದ್ ಅಕ್ಲೆಗ್ ಧೈರ್ಯ ಕೊರಿಯೆರೆ ಈ ಒಂಜಿ ಅವಕಾಶೊನು ಆಯೆ ಉಪಯೋಗ ಮಲ್ತೊಂಡೆ. ಸ್ವಾರ್ಥ ಬೊಕ್ಕ ಪೆರ್ಮೆದ ವಿಚಾರೊಲೆನ್ ತಡೆತೊಂದು ಯೇಸುಡಿತ್ತಿನ ವಿಧೇಯತೆ ಅಕ್ಲೆಡೊಪ್ಪಲಾ ಉಪ್ಪಡ್ ಅಂದ್‌ದ್ ಆಯೆ ಬಯಕುವೆ. ಯೆಹೂದ್ಯೆರೆ ನ್ಯಾಯ ಪ್ರಮಾಣೊಲೆಗ್ ವಿಧೇಯತೆ ತೋಜಾವುನೆಡ್ದ್ ಅತ್ತ್, ಯೇಸುಡೊಪ್ಪ ಉಪ್ಪುನ ಅಕ್ಲೆನ ಅನ್ಯೊನ್ಯತೆ, ಅವು ನಂಬಿಕೆಡ್ ಅಕ್ಲೆಗ್ ತಿಕ್ಕ್‌ದ್ಂಡ್ ಬೊಕ್ಕ ಅವು ದೇವೆರೆ ದಯತ ವರದಾನ ಆದುಂಡು ಪನ್ಪಿನೆನ್, ಆಯೆ ಅಕ್ಲೆಗ್ ನೆನೆಪು ಮಲ್ಪುವೆ. ಯೇಸುಡೊಪ್ಪ ಉಪ್ಪು ಸಮ್ಮಂಧ ಅವು ದೇವೆರೆಡ್ದ್ ಸಂತೋಷ ಬೊಕ್ಕ ಶಾಂತಿ ಕೊರ್ಪುಂಡು ಅಂದ್‌ದ್ ಪೌಲು ಫಿಲಿಪ್ಪಿಯೆರೆಗ್ ಬರೆಪೆ. ಅದ್ಯಾಯದ ರೂಪೊಲು ಸುರುತ್ತ ಪಾತೆರ (1:1-11). ಪೌಲುನ ಪರಿಸ್ಥಿತಿ (1:12-26). ಯೇಸು ಕ್ರಿಸ್ತಡ್ ಪೊಸ ಬದ್‌ಕ್ (1:27—2:18) ಶತ್ರುಲೆ ಬಗೆಟ್ ಎಚ್ಚರಿಕೆ (3:1—4:9). ಪೌಲು ಬೊಕ್ಕ ಫಿಲಿಪ್ಪುದ ಸ್ನೇಹಿತೆರ್ (4:10-20). ಕಡೆತ ಪಾತೆರ (4:21-23). |
New Life Literature