ZAKINIU INTRO1 - Sumi Naga CL (Re-edited) Bible (BSI)Kilethitsa Zakiniu kaku ye atsapi apasü shi kithipe qhikeu, ti ye Moses no Israelmi vilo pikeu, panongu no asayeqha lo ado kushuo izüche püzü ashekha lo Muab ghakhu lo ngoke lono, eno ti ye Canaan lo ilo no tipau lo ngoluve nike zülono ke. Kaku hipau lo avehu akhoto yepe qhikeu hami ye hike: (1) Ampe lhobidi dolo akhoto kiu shikeno Moses no kümsüchilelu keu. Pa no timiqo vilo Alhou no asayeqha lo panongu sawu keu eno Alhou qhoqhu gholu nikeu kümsü lulo pi ghutu keu. (2) Moses no Azah Chighi jukide eno Azah Atüghüu kiqi kutho pitsü, eno timiqo vilo Ampeu lau likhi amlo tsülo pike. Tithiu pa no Israelmi pelo ashoqhi yeghi lo ayezah kiqi lono xüpenike pikide tsü. (3) Moses no Alhou no timiqo sasü puloshoqhi shikeu kiqi pesü piputo eno panongu küxü akitheshi tipau lo shilo pikeu pitsüe. (4) Joshua pelo Alhou timiqo sakipheu shipenike pitsü. Alhou ye kishi pükhükulupu keno ale lono pheve kethiu eno Israelmi shou kükümgha betsü kethiu Moses ye Jordan kipelau Moab lono thive. Kaku tsato ye Alhou ye Pa no kisheluve kemi, Pa no qhuivü chekemi xalu eno kümghatsü cheni. Paw timiqo ye hipau kümsüchilelu no Pa qhuivü eno gholu kepu, tishianguno panongu ye xülu eno kümghalu nani. Kaku hipau khaqhini keu khadu ye 6:4-6, Jisü no azah tsükeqo gholo kümtsü nguno akijeu ke pikeu tile ani: ‘O mlo kuchopu, o ngulho kümtsü eno o kumto kümtsü pesü Ampeu nongu Lhou qhuivü lo.’ Kaku kimji: Alhou no timi lau kiu mlave akeno pikide tsü eno panongu küxü Alhou lau ikhiphetsü kithe penike shikumto keu. Khuu no ye kea: Moses. Khuno lau ye kea: Israelmi (Tiqheli akithemi tushokiqhi yeghi lo ilochekemi lau). Kughono ye kea: B.C. 1407 qhauno. |
The Bible Society of India
© 2023, Used by permission. All rights reserved. More
Bible Society of India