YETSAPIU INTRO1 - Sumi Naga CL (Re-edited) Bible (BSI)Kilethitsa Yetsapiu kaku lo “Kümsüthomi” kükümsü süpüani, timi küxü ye ikhonhei eno akijiksa akeu thonhei pa no kümsükutoju keu, aküxü hipau lo kuchou xakütha küha eno azüküzüpu jeliqo ye kiutoi kuthoküzü keno jupe “aküxü ye avehu küha kena” ipi kishekhalu keu ke. Yetsapiu ye Alhou no timi küxü peitha püzü ashekha lo khilau kishive cheni keno vethamlave. Ike tishi aghimu, pa no akükütsütsa timi lau tsü akeu no aka-aveshi mlalo pike eno panongu no toluke thaqhü Alhou launo ighikeu jeli pesü amlokiqishi peithalu lo pike. Kümsüthomi kutomo kükümsü ye bidelau eno kütakihi kepushi acheni. Ikemu kaku hipau pesu Kuchoyesü lo süpüaghi keu ye aküpülü xülo lipikeu eno ala kühamitheve ketoi keu ghi kümsülu ipeghi chekeu piye ani. Timi kutomo no Yetsapiu kaku lo juno pano kükümsü paphi shiaghi keu phulu cheni eno tileno Alhou no aküxü kiqi kijetsü püakeu lajupu ghi phulu cheni. Kaku kimji: Alhou timiqo lau alokütsü eno akighithi tsünike eno Alhou nguno alau aküxü ye akiqi kühakeu shiküka. Khuu no ye kea: Solomon. Khuno lau ye kea: Timi aqha lau. Kughono ye kea: B.C. 935. |
The Bible Society of India
© 2023, Used by permission. All rights reserved. More
Bible Society of India