Numeri 33 - Baiberi Magwaro Matȿene aMŋari 1949 (Doke)

Kufamba kwaʋaIsraeri kubva Egipita kuȿikira Kanani.

¹ Ndidzo nzendo dzaʋana ʋaIsraeri, pakuɓuɗa kwaʋo panyika yeEgipita namapoka aʋo ʋacituŋgamirirwa naMosesi naAroni.

² Mosesi akanyora kusimuka kwaʋo nenzendo dzaʋo, arairwa naJehova; ndidzo nzendo dzaʋo nokusimuka kwaʋo.

³ Ʋakasimuka paRamesesi nomŋedzi wokutaŋga, nezuʋa regumi namashanu romŋedzi wokutaŋga; maŋgwanani akateʋera paseka ʋana ʋaIsraeri ʋakaɓuɗa noruʋoko runesimba pamberi paʋaEgipita ʋose,

⁴ ʋaEgipita ʋaciʋiga mataŋgwe aʋo ose, akaŋga aʋurawa naJehova pakati paʋo; Jehova akatoŋga ʋo ʋamŋari ʋaʋo.

⁵ ƲaIsraeri ʋakasimuka paRamesesi, ʋakandodzika matente aʋo paSukoti.

⁶ Ʋakasimuka paSukoti, ʋakandodzika paEtami, pamuʋuyo werenje.

⁷ Ʋakasimuka paEtami, ʋakadzokera Pi‐hahiroti, pamberi peBaari‐sefoni, ʋakadzika pamberi peMigdori.

⁸ Ʋakasimuka pamberi peHahiroti, ʋakapinda nomukati meguŋgwa, ʋakaȿika murenje; ʋakafamba mazuʋa matatu murenje reEtami, ʋakandodzika paMara.

⁹ Ʋakasimuka paMara, ʋakaȿika Erimi; paErimi pakaŋga panamatsime anegumi namaʋiri emvura, nemiti yemicindwe inamakumi manomŋe; ʋakadzika matente aʋo ipapo.

¹⁰ Ʋakasimuka paErimi, ʋakandodzika paGuŋgwa Dɀuku.

¹¹ Ʋakasimuka paGuŋgwa Dɀuku, ʋakandodzika murenje reSini.

¹² Ʋakasimuka murenje reSini, ʋakandodzika paDofka.

¹³ Ʋakasimuka paDofka, ʋakandodzika paArushi.

¹⁴ Ʋakasimuka paArushi, ʋakandodzika paRefidimi, pakaŋga pasine‐mvura yokunwa yaʋanhu.

¹⁵ Ʋakasimuka paRefidimi, ʋakandodzika murenje reSinai.

¹⁶ Ʋakasimuka murenje reSinai, ʋakandodzika paKibroti‐hatava.

¹⁷ Ʋakasimuka paKibroti‐hatava, ʋakandodzika paHazeroti.

¹⁸ Ʋakasimuka paHazeroti, ʋakandodzika paRitma.

¹⁹ Ʋakasimuka paRitma, ʋakandodzika paRimoni‐perezi.

²⁰ Ʋakasimuka paRimoni‐perezi, ʋakandodzika paRibna.

²¹ Ʋakasimuka paRibna, ʋakandodzika paRisa.

²² Ʋakasimuka paRisa, ʋakandodzika paKeherata.

²³ Ʋakasimuka paKeherata, ʋakandodzika pagomo reSheferi.

²⁴ Ʋakasimuka pagomo reSheferi, ʋakandodzika paHarada.

²⁵ Ʋakasimuka paHarada, ʋakandodzika paMakeroti.

²⁶ Ʋakasimuka paMakeroti, ʋakandodzika paTahati.

²⁷ Ʋakasimuka paTahati, ʋakandodzika paTera.

²⁸ Ʋakasimuka paTera, ʋakandodzika paMitka.

²⁹ Ʋakasimuka paMitka, ʋakandodzika paHashmona.

³⁰ Ʋakasimuka paHashmona, ʋakandodzika paMoseroti.

³¹ Ʋakasimuka paMoseroti, ʋakandodzika paBene‐jakani.

³² Ʋakasimuka paBene‐jakani, ʋakandodzika paHori‐hagidgadi.

³³ Ʋakasimuka paHori‐hagidgadi, ʋakandodzika paJotbata.

³⁴ Ʋakasimuka paJotbata, ʋakandodzika paAbrona.

³⁵ Ʋakasimuka paAbrona, ʋakandodzika paEzioni‐geberi.

³⁶ Ʋakasimuka paEzioni‐geberi, ʋakandodzika murenje reZini (ndipo paKadeshi).

³⁷ Ʋakasimuka paKadeshi, ʋakandodzika pagomo reHori, pamuʋuyo wenyika yeEdomi.

³⁸ Aroni muprista akakwira pagomo reHori, arairwa naJehova, akafira’po, negore ramakumi manna rokuɓuɗa kwaʋana ʋaIsraeri paEgipita, nomŋedzi wecishanu, nezuʋa rokutaŋga romŋedzi.

³⁹ Aroni wakaŋga anamakore anezana namakumi maʋiri namatatu pakufa kwake pagomo reHori.

⁴⁰ Ɀino mambo weAradi, muKanani, wakaŋga agere kurutiʋi rweZasi munyika yeKanani, akanzwa kuti ʋana ʋaIsraeri ʋoʋuya.

⁴¹ Ʋakasimuka pagomo reHori, ʋakandodzika matente aʋo paZarmona.

⁴² Ʋakasimuka paZarmona, ʋakandodzika paPunoni.

⁴³ Ʋakasimuka paPunoni, ʋakandodzika paOboti.

⁴⁴ Ʋakasimuka paOboti, ʋakandodzika paIye‐abarimi, pamuganhu weMoabi.

⁴⁵ Ʋakasimuka paIyimi, ʋakandodzika paDiboni‐gadi.

⁴⁶ Ʋakasimuka paDiboni‐gadi, ʋakandodzika paArmoni‐dibrataimi.

⁴⁷ Ʋakasimuka paArmoni‐dibrataimi, ʋakandodzika paAbarimi, pamberi peNebo.

⁴⁸ Ʋakasimuka pamakomo eAbarimi, ʋakandodzika pamapani eMoabi, paJoridani paJeriko.

⁴⁹ Ʋakadzika matente aʋo paJoridani, kubva paBeti‐jeshimoti kuȿika paAberishitimi, pamapani eMoabi.

⁵⁰ Ɀino Jehova akataura naMosesi pamapani eMoabi, paJoridani paJeriko, akati:

⁵¹ Taura naʋana ʋaIsraeri, uti kwaʋari: Kana mayambuka Joridani, mukaȿika munyika yeKanani,

⁵² munofanira kudziŋga ʋanhu ʋose ʋagere munyika pamberi penyu, nokuparadza ɀifananidzo ɀaʋo ɀamabge, nokuparadza ɀifananidzo ɀaʋo ɀakaʋumbga, nokuputsa nɀimbo dzaʋo dzakakwirira.

⁵³ Munofanira kutora nyika, iʋe yenyu, mugare’mo; nokuti ndakakupai nyika iyo, iʋe yenyu.

⁵⁴ Munofanira kupiwa nhaka yenyika iyo nemijenya, nemhuri dzenyu; ʋazhinji munofanira kuʋapa nhaka zhinji, ʋashoma munofanira kuʋapa nhaka shoma; seɀaakagoʋerwa nemijenya, saiɀoɀo inofanira kuʋa nhaka yomunhu; munofanira kugara nhaka namarudzi amadziɓaɓa enyu.

⁵⁵ Asi kana musiŋgaɗi kudziŋga ʋanhu ʋagere munyika pamberi penyu, ipapo iʋo kwaʋari ʋamunorega ʋacaʋa secinhu cinoɓaya pameso enyu, neseminzwa panhiʋi dzenyu, ʋacarwa nemi munyika mamugere.

⁵⁶ Ipapo ndicakuitirai imi seɀandakafuŋga kuʋaitira iʋo.