Mapisarema 98 - Baiberi Magwaro Matȿene aMŋari 1949 (Doke)

Jehova Mambo noMutoŋgi ŋgaarumbidzwe.

¹ Imbirai Jehova rwiyo rutȿa; Nokuti wakaita ɀinhu ɀinoshamisa; Canza cake corudyi, noruʋoko rwake rutȿene, ɀakamukundisa.

² Jehova wakaziʋisa kuponesa kwake; Wakaratidza pacena kururama kwake pamberi paʋahedeni.

³ Wakaraŋgarira ngoni dzake nokutendeka kwake kuimba yaIsraeri; Migumo yose yapasi yakaʋona kuponesa kwaMŋari weɗu.

⁴ Pururudzai Jehova, pasi pose; Ƌanidzirai, muimbe nomufaro, imbai nziyo dzokurumbidza.

⁵ Imbirai Jehova nziyo dzokurumbidza nembira; Nembira, ʋuye nenzwi rokuimba.

⁶ Nehwamanda, nenzwi romumanzi Pururudzai pamberi paMambo, Jehova.

⁷ Guŋgwa ŋgaritinhire neɀose ɀiri mukati maro; Nenyika, naʋanogara’mo.

⁸ Nzizi ŋgadziʋucire; Namakomo ŋgaaimbe pamŋe cete nomufaro;

⁹ Pamberi paJehova, nokuti unoʋuya kuzotoŋga pasi, Ucatoŋga nyika ɀakarurama, Naʋanhu nokururama.