Mapisarema 75 - Baiberi Magwaro Matȿene aMŋari 1949 (Doke)

Rwiyo rwokuʋoŋga Mŋari.

Kumutuŋgamiriri wokuimba; nomuimbirwe weAritasheti. Pisarema raAsafi. Rwiyo.

¹ Tinokuʋoŋgai, Mŋari; Tinoʋoŋga, nokuti zita renyu riri pedyo; Ʋanhu ʋanoparidza maɓasa enyu anoshamisa.

² Kana ndiciwana ŋguʋa yakafanira, Ndicatoŋga ɀakarurama.

³ Pasi pose panyauka naʋose ʋagere’po; Ndini ndakamisa mbiru dzayo.

⁴ Ndakati kunaʋanamanyawi: Regai kuita namanyawi; Nokunaʋakaipa: Regai kusimudza runyaŋga.

⁵ Regai kusimudza runyaŋga rwenyu kuɗeŋga; Regai kutaura nomutsipa mukukutu.

⁶ Nokuti kunyaŋge kumaɓuɗazuʋa, kana kumaʋirira, Kana kurenje, hakuzi ikoko kunobva kukudzwa.

⁷ Asi Mŋari ndiye mutoŋgi; Unoninipisa mumŋe acikudza mumŋe.

⁸ Nokuti muruʋoko rwaJehova munomukombe, newaini inopupuma; Uzere neɀakaveŋganiswa, ɀino unoɗurura mauri; Ɀirokwaɀo, ʋakaipa ʋose ʋenyika ʋacaȿina masese awo, nokuanwa.

⁹ Asi ini ndicaparidza nokusiŋgaperi, Ndicaimbira Mŋari waJakobo nziyo dzokurumbidza.

¹⁰ Nyaŋga dzose dzaʋakaipa ndicadzigura; Asi nyaŋga dzaʋakarurama dzicasimudzwa.