Genesi 35 - Baiberi Magwaro Matȿene aMŋari 1949 (Doke)

Jakobo paBeteri. Rakeri naIsaka ʋanofa.

¹ Ɀino Mŋari wakati kunaJakobo: Simuka, ukwire Beteri, undogara’ko; uitire Mŋari artari’po, iye wakaɀiratidza kwauri paŋguʋa yokutiza kwako pamberi paEsau, mukuru wako.

² Ipapo Jakobo akati kumhuri yake, naʋose ʋakaŋga ʋanaye: Bvisai ʋamŋari ʋedzimŋe ndudzi ʋari pakati penyu, ɀinatsei, mufuke dzimŋe ŋguʋo;

³ tisimuke, tikwire Beteri; ipapo ndicaitira Mŋari artari, iye wakaŋga aneni panzira yandakaŋga ndicifamba nayo.

⁴ Iʋo ʋakapa Jakobo ʋamŋari ʋose ʋedzimŋe ndudzi ʋakaŋga ʋari pamaʋoko aʋo, neɀindori ɀakaŋga ɀiri panzeʋe dzaʋo; Jakobo akaɀicerera pasi pomuti womuouki wakaŋga uri paShekemi.

⁵ ʋakapfuʋura norwendo rwaʋo, maguta akaŋga akaʋakomba akatya Mŋari kwaɀo, ʋakasateʋerera ʋanakomana ʋaJakobo.

⁶ Jakobo akaȿika Ruzi, guta riri panyika yeKanani (rimŋe zita ndiBeteri), iye naʋanhu ʋose ʋaakaŋga anaʋo.

⁷ Akaʋaka’po artari, akatumidza zita renɀimbo iyo Eri‐beteri; nokuti Mŋari wakaŋga aɀiratidza kwaari ipapo, paŋguʋa yokutiza kwake pamberi pomukuru wake.

⁸ Debora, mureri waRebeka, akafa, akaʋigwa zasi kweBeteri munyasi momuouki; zita rapo rikanzi Aroni‐bakuti.

⁹ Ipapo Mŋari akaɀiratidza ɀe kunaJakobo pakubva kwake Padani‐arami, akamuropafadza.

¹⁰ Mŋari akati kwaari: Zita rako ndiJakobo; zita rako haricazonzi Jakobo, asi zita rako ricanzi Israeri; akamutumidza zita rinonzi Israeri.

¹¹ Ɀino Mŋari akati kwaari: Ndini Mŋari wamasimba ose; ɓereka ʋana, uwande; rudzi neɓoka rendudzi ɀicaɓuɗa kwauri, namadzishe acaɓuɗa paciʋuno cako;

¹² nyika yandakapa Abrahama naIsaka, ndicakupa iyo; ʋana ʋako ʋanokuteʋera ndicaʋapa nyika iyo.

¹³ Mŋari akakwira, akabva kwaari, ipapo paakaŋga acitaura naye.

¹⁴ Jakobo akamisa shoŋgwe ipapo paakaŋga ataura naye, shoŋgwe yebge; akaɗurura pamsoro payo cipiriso cinoɗururwa, akaɗira ʋo mafuta pamsoro payo.

¹⁵ Jakobo akatumidza nɀimbo iyo, pakaŋga pataura Mŋari naye, zita rinonzi Beteri.

¹⁶ Ɀino ʋakafamba ʋacibva Beteri; cinhambo cakaŋga cici’po cokuȿika Efrati; Rakeri akaɀara, akatambudzika pakupona kwake.

¹⁷ Wakati acitambudzika pakupona kwake, mbuya ʋakati kwaari: Usatya hako, nokuti ɀino ucaʋa nomumŋe mŋanakomana ɀe.

¹⁸ Ɀino mŋeya wake wakati uciɓuɗa (nokuti wakafa), akamutumidza Benoni; asi ɓaɓa ʋake ʋakamutumidza Benjamini.

¹⁹ Rakeri akafa, akaʋigwa panzira inoenda Efrati (rimŋe zita ndiBetrehema).

²⁰ Jakobo akamisa shoŋgwe pamsoro perinda rake, ndiyo shoŋgwe yerinda raRakeri kuȿikira zuʋa ranhasi.

²¹ Israeri akafamba, akapfuʋurira mberi, akadzika tente rake neseri kweshoŋgwe yeEderi.

²² Ɀino Israeri agere munyika iyo, Rubeni akandoʋata naBirha, muroŋgo waɓaɓa ʋake, Israeri akaɀinzwa. Ɀino ʋanakomana ʋaJakobo ʋaiʋa gumi naʋaʋiri;

²³ ʋanakomana ʋaRea: Rubeni, ɗaŋgwe raJakobo, naSimeoni, naRevi, naJuda, naIsakari, naZeburuni;

²⁴ ʋanakomana ʋaRakeri: Josefa naBenjamini;

²⁵ ʋanakomana ʋaBirha, murandakadzi waRakeri: Dani naNaftari;

²⁶ ʋanakomana ʋaZirpa, murandakadzi waRea: Gadi naAsheri. Ndiʋo ʋanakomana ʋaJakobo, ʋaakaɀarirwa paPadani‐arami.

²⁷ Jakobo akaȿika kunaIsaka, ɓaɓa ʋake paMamre, paKiriyati‐arba (rimŋe zita ndi Hebroni), paigara Abrahama naIsaka ʋari ʋatorwa.

²⁸ Mazuʋa aIsaka akaŋga ari makore anezana namakumi masere.

²⁹ Mŋeya waIsaka ukaɓuɗa, akafa, akasoŋganiswa naʋanhu ʋake, akwegura, aʋa namazuʋa mazhinji; Esau naJakobo, ʋanakomana ʋake, ʋakamuʋiga.