Eksodo 40 - Baiberi Magwaro Matȿene aMŋari 1949 (Doke)

Mosesi unomisa Tabernakeri.

¹ Ɀino Jehova wakataura naMosesi, akati:

² Nomusi wokutaŋga womŋedzi unofanira kumisa tabernakeri netente rokusoŋgana.

³ Unofanira kuisa mukati mayo areka yecipupuriro, nokudzitira areka necidzitiro

⁴ Upinze ʋo tafura, nokugadzira ɀinhu ɀinofanira kuʋa pamsoro payo; upinze ʋo cigadziko cemŋenje, ugotuŋgidza mŋenje yaco.

⁵ Uise ʋo artari yendarama yeɀinonhuwira pamberi peareka yecipupuriro, ugoisa cidzitiro comukoʋa wetabernakeri.

⁶ Ɀino uise ʋo artari yeɀiɓayiro ɀinopiswa pamberi pomukoʋa wetabernakeri yetente rokusoŋgana.

⁷ Uise ʋo mudziyo wokushambidzira pakati petente rokusoŋgana neartari, ugoɗira mvura mukati mawo.

⁸ Ɀino ugadzire ʋo ruʋazhe nokurembedza cidzitiro cesuʋo roruʋazhe.

⁹ Utore ʋo mafuta okuzodza nawo, uzodze tabernakeri nawo, neɀose ɀiri mukati mayo; ugoitsaura, iyo neɀose ɀiri’mo, kuti ciʋe cinhu citȿene.

¹⁰ Uzodze ʋo artari neɀiɓayiro ɀinopiswa, nemidziyo yayo yose, kuti utsaure artari, artari ciʋe cinhu citȿene‐tȿene.

¹¹ Uzodze ʋo mudziyo wokushambidzira necigadziko cawo, uutsaure.

¹² Ɀino usweɗedze Aroni naʋanakomana ʋake kumukoʋa wetente rokusoŋgana, ugoʋashambidza nemvura.

¹³ Ipapo ufukidze Aroni ŋguʋo tȿene, ugomuzodza nokumutsaura, kuti andishumire paɓasa roʋuprista.

¹⁴ Usweɗedze ʋo ʋanakomana ʋake, ugoʋafukidza ŋguʋo.

¹⁵ Uʋazodze, seɀawazodza ɓaɓa ʋaʋo, kuti ʋandishumire paɓasa roʋuprista; kuzodzwa kwaʋo kunofanira kuʋa kwaʋari ʋuprista nokusiŋgaperi, kuȿikira kumarudzi aʋo ose.

¹⁶ Mosesi akaita saiɀoɀo; ɀose ɀaakaŋga arairwa naJehova, wakaɀiita saiɀoɀo.

¹⁷ Tabernakeri ikamiswa nomŋedzi wokutaŋga wegore recipiri nomusi wokutaŋga womŋedzi.

¹⁸ Mosesi akamisa tabernakeri, akaisa ɀigadziko ɀayo, akamisa mapuraŋga ayo, akaisa mbariro dzayo, nokumisa mbiru dzayo.

¹⁹ Akawarira tente pamsoro petabernakeri, akaisa cifukidzo cetente pamsoro payo, seɀakaŋga ɀarairwa Mosesi naJehova.

²⁰ Akatora cipupuriro, akaciisa muareka, akapinza matanda paareka, akaisa cifunhiro cokuyananisa pamsoro peareka;

²¹ akapinza areka mutabernakeri, akarembedza cidzitiro cokudzitira naco, akadzitira areka yecipupuriro; seɀakaŋga ɀarairwa Mosesi naJehova.

²² Akaisa tafura mutente rokusoŋgana, kurutiʋi rwetabernakeri necokumsoro, kunze kwecidzitiro.

²³ Akagadzira ʋo ciŋgwa pamsoro payo pamberi paJehova, seɀakaŋga ɀarairwa Mosesi naJehova.

²⁴ Akaisa cigadziko cemŋenje mutente rokusoŋgana, cakatarisana netafura, kurutiʋi rwetabernakeri necenyasi.

²⁵ Akatuŋgidza mŋenje pamberi paJehova, seɀakaŋga ɀarairwa Mosesi naJehova.

²⁶ Akaisa artari yendarama mutente rokusoŋgana pamberi pecidzitiro;

²⁷ akapisira’po ɀinonhuwira ɀemiti yakanaka, seɀakaŋga ɀarairwa Mosesi naJehova.

²⁸ Akagadzira ɀirembedzwa ɀomukoʋa wetabernakeri.

²⁹ Akaisa artari yeɀipiriso ɀinopiswa pamukoʋa wetabernakeri yetente rokusoŋgana, akapisira pamsoro payo cipiriso cinopiswa, necipiriso coʋupfu; seɀakaŋga ɀarairwa Mosesi naJehova.

³⁰ Akaisa mudziyo wokushambidzira pakati petente rokusoŋgana neartari, akaisa mukati mayo mvura yokushambidza nayo.

³¹ Ipapo Mosesi naAroni naʋanakomana ʋake ʋakashamba maʋoko aʋo netsoka dzaʋo’po;

³² pakupinda kwaʋo mutente rokusoŋgana, napakusweɗera kwaʋo kuartari, ʋaishamba, seɀakaŋga ɀarairwa Mosesi naJehova.

³³ Akagadzira ʋo ruʋazhe rwaipotedza tabernakeri neartari, akarembedza cidzitiro cesuʋo roruʋazhe. Naiɀoɀo Mosesi akapedza ɓasa rose.

³⁴ Ipapo gore rakafukidza tente rokusoŋgana, kubginya kwaJehova kukazadza tabernakeri.

³⁵ Mosesi akasagona kupinda mutente rokusoŋgana, nokuti gore rakaramba rigere pamsoro paro ʋuye kubginya kwaJehova kwakaŋga kwazadza tabernakeri.

³⁶ Ɀino kana gore rokwidzwa ricibva pamsoro petabernakeri, ʋana ʋaIsraeri ʋakapfuʋura ʋacifamba nzendo dzaʋo dzose.

³⁷ Asi kana gore risina‐kukwidzwa, haʋana‐kufamba, kuȿikira musi warinozokwidzwa.

³⁸ Nokuti gore raJehova rakaŋga riri pamsoro petabernakeri masikati, nomŋoto waiʋa mariri ʋusiku, pamberi paʋose ʋeimba yaIsraeri panzendo dzaʋo dzose.